A tartaruga mariña común ‘Rostro’ volveu ao mar o pasado martes, tras 16 meses de recuperación no acuario do Grove, grazas á labor da Coordinadora para o Estudo dos Mamíferos Mariños (CEMMA).
O réptil fora atopado en marzo do ano pasado na praia de Rosto, en Fisterra, con graves lesións producidas polos depredadores do mar e aparellos de pesca e que case lle custan a perda da aleta dianteira esquerda.
A tartaruga foi liberada a unhas 18 millas do Cabo Corrubedo cun microchip e un dispositivo satélite da Sociedade Portuguesa para a Vida Selvagem-SPV, que permitirán coñecer a súa ubicación en cada momento. De feito, o pasado 1 de xullo ‘Rostro’ xa enviaba a súa primeira mensaxe. En dúas horas, trala súa liberación, xa percorrera 5 quilómetros.
Tras o embarque, en Portosín, varios golfiños e unha balea alibranca achegáronse a saudar o regreso de ‘Rostro’ ao mar.
Na despedida da tartaruga estiveron presentes a conselleira de Medio Ambiente, Territorio e Infraestruturas, Ethel Vázquez, e o alcalde de Porto do Son, Luis Oujo, ademais de Jose A. Martínez, presidente de CEMMA.