A metamorfose das abellas obreiras

O fotógrafo Anand Varma, en colaboración co laboratorio de abellas da Universidade de California (EUA), elaborou este vídeo recollido pola axencia Sinc, no que, a partir da sucesión rápida de fotografías tomadas ao longo do proceso, se mostran todas as fases na metamorfose dunha abella. Ao inicio prodúcese a eclosión do ovo, do que xorde a larva trasparente e inquieta, case sempre en movemento. Durante os primeiros días da súa vida as crías permanecen encerradas en pequenas celas, onde van crecendo mentres son alimentadas con xelea real proporcionada polas abellas amas.

A partir dos 25 segundos do vídeo, pódese apreciar a presenza duns poucos ácaros invasores, chamados Varroa destrutor, que se moven arredor das celas. Este pequeno parasito adoita atacar as crías, matándoas en varios casos. As abellas que non sofren o ataque destes insectos continúan a súa evolución ata que, aos 21 días de ter nacido, alcanzan a súa forma e cor definitivas. É entón cando abandonan as celas e poden voar libremente.

A súa vida posterior como adultas é bastante breve, aínda que depende da estación do ano. En primavera e verán subsisten preto de dous meses, mentres que en outono e inverno chegan a entre tres e catro meses. En total, unha colonia de abellas pode ter entre 40.000 e 75.000 obreiras. Son as encargadas, entre outras tarefas, de buscar alimento e protexer a colonia ante as ameazas do exterior.

Segundo alertan os científicos, o enxame mundial de abellas sufriu un forte descenso nos últimos anos. Un das principais causas son os novos pesticidas, que conteñen compoñentes que os provocan síntomas similares aos do alzhéimer, facendo que se desorienten ao intentar regresar á colmea.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.