A mellor escena de caza da historia

As iguanas fuxindo das serpes son o espectacular comezo da serie Planet Earth II, da BBC

O pasado domingo estreouse Planet Earth II, da BBC, en prime time. Ben o merece. Nada de deixar os documentais para a hora da sesta. En Reino Unido son moi bos e van en hora punta. Medio país (e parte do estranxeiro) están pendentes da segunda parte dunha serie que cambiou a historia dos documentais fai xa dez anos. E a primeira escena de caza da nova tempada ten removido aos espectadores das súas butacas e logo sacudiu as redes sociais. Nela vese unha trepidante carreira pola vida: unhas iguanas recentemente nadas foxen dun escuadrón da morte.

A narración da espectacular serie corresponde a Sir David Attenborough, que aos seus 90 anos segue modulando a voz como ninguén. A súa reputación precédelle, suma máis de 60 anos de experiencia e é a única persoa cun premio Bafta en branco e negro, en cor, en HD e en 3D.

É imposible non tremer con esta escena, que amosa a gran calidade dos documentais dunha televisión pública: a BBC.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.