Venres 29 Marzo 2024

Os mapas históricos de Galicia xa se poden descargar na web da USC

A Biblioteca da USC está a desenvolver un proxecto para a preservación e difusión a través de internet da súa colección de mapas, algúns deles pezas de singular valor. Son un total de 600 documentos aos que a tecnoloxía posibilita unha revitalización a través da súa dixitalización o que facilitará a súa difusión e acceso a través do repositorio institucional Minerva onde poden ser consultados, visualizados e descargados de xeito libre e gratuíto.

O proceso de dixitalización atópase actualmente en desenvolvemento e comezou polos mapas anteriores a 1900 relacionados con Galicia. A día de hoxe, todos os antigos e relativos á comunidade autónoma, un total de 20, están xa catalogados na base de datos Iacobus. Ademais o repositorio Minerva xa conta coa correspondente versión dixital de 14 destes documentos, cifra que se completará en datas próximas. O proxecto da Biblioteca para dixitalizar as súas coleccións do fondo antigo contribuirá á súa preservación en paralelo coa súa difusión a través da rede, posibilitando así o seu uso remoto e continuado por parte de persoal investigador e estudosos/as.

Publicidade

Xa están dispoñibles 14 documentos, aos que se sumarán máis en breve

Conservados na Biblioteca Xeral da USC, entre os distintos mapas conservados atópanse exemplares “realmente curiosos e valiosos”, como explica a directora da Biblioteca Mª Isabel Casal. É o caso do ‘Map 212’, mapa manuscrito orixinal en cor do proxecto de creación do que hoxe en día é o parque da Alameda de Santiago, de Blas Galiano e datado en 1831, considerado o plan de reforma desta zona da cidade e de facto da creación do parque.

Outro exemplo único é o rexistrado como ‘L 5064’ e que a partir da Carta geométrica de Domingo Fontán impresa en 1845 inclúe unha actualización manuscrita coas estradas e liñas de ferrocarril dispoñibles en 1917. A actualización do traballo de Domingo Fontán foi obra de Antero Rubín Homent. Finalmente, entre os fondos tamén se atopa o ‘Map 201’, un dos máis antigos mapas de Galicia dos que se conservan na cartoteca universitaria compostelá, o ‘Plano de las Rías de Ferrol, Coruña y Betanzos’, datado en 1787.

O repositorio Minerva creouse hai tres anos para albergar, difundir en acceso aberto e preservar os documentos derivados da actividade institucional, científica e docente da comunidade universitaria da USC. Ademais e tomando como mostra o labor que se está a desenvolver arredor dos mapas depositados na USC, o seu fondo tamén abarca a dixitalización do patrimonio documental da institución académica compostelá. O proxecto inscríbese no marco do movemento internacional denominado Open Access (Acceso Aberto), iniciativa que promove o acceso libre e gratuíto á literatura científica e académica como medio para mellorar o sistema de comunicación científica e o acceso ao coñecemento.

4 COMENTÁRIOS

  1. Ola! Para os interesados en mapas históricos aquí vos deixo algúns enlaces a repositorios nos que podedes encontrar abundante material que cubra as nosas latitudes. Algúns como a biblioteca americana ou a británica dispoñen ademais de visores xeográficos. É dicir, pódese filtrar o material cartográficos dispoñible para unha determinada zona.
    Biblioteca Nacional de España http://www.bne.es/es/Colecciones/GeografiaMapas/
    New York Public Library Nueva York http://maps.nypl.org/warper/maps/geosearch
    Online Maps (British Library, ICC…) http://www.oldmapsonline.org
    David Rumsey Map Collection http://www.davidrumsey.com/

    Un saúdo!

  2. Vivo en Negueira zona vitivinícola de gran interese pero en grave estado de abandono, ya hace años pide ver una cartografía de Asturias con las zonas dedicadas a los viñedos en la antigüedad, es posible encontrar estos mapas de Galicia y donde. Gracias y enhorabuena por vuestro trabajo. Dora

  3. Una gran iniciativa!
    Ya hay bastante material y creemos que lo mejor está por llegar!
    Como respuesta al comentario de Amador, decirle que jugando un poco con el buscador o mirando por el material de la letra M se pueden encontrar algunos. Tal vez haya una forma mejor, pero no la hemos encontrado. Si quieres ver más mapas antiguos puedes verlos en http://www.ign.es/fondoscartograficos/
    Suerte en la búsqueda!

  4. Considero de especial interese os mapas antigos de Galicia e gustariame saber como reproducilos

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.