Xoves 28 Marzo 2024

O AtlantTIC de Vigo convoca 50 prazas para investigadores

O centro de investigación AtlantTIC abre a porta á incorporación ao mundo laboral a un total de 50 estudantes de doutoramento, enxeñeiros júnior e doutores en Enxeñaría de Telecomunicación, Enxeñaría Informática ou titulacións afíns, a través dunha oferta de emprego directamente relacionada co proxecto Táctica, que ten a finalidade de potenciar o polo de xeración e transferencia de coñecemento TIC, creado en Galicia ao abeiro da Escola de Enxeñaría de Telecomunicación da Universidade de Vigo. Os 7 millóns de euros outorgadosen novembro do ano pasado polo Ministerio de Economía y Competitividad con cargo aos Fondos Tecnolóxicos, permitirán desenvolver un proxecto, segundo explica a directora da AtlantTIC, Nuria González Prelcic, “centrado no hipersector TIC e formulado como unha serie de liñas de investigación activadoras, con resultados claramente transferibles á industria”.

Procesamento de sinais, comunicacións dixitais, radiocomunicacións, enxeñaría electromagnética, enxeñaría biomédica ou redes e servizos de telecomunicación, son algunhas das áreas de investigación dos grupos de AtlantTIC nas que quedarán integradas as persoas que acaden as prazas dunha oferta de emprego, sobre a que a directora do centro de investigación da Universidade de Vigo asegura “non coñezo ningún caso parecido, polo menos de ofertar tantos postos en tan pouco tempo”. A duración dos contratos é dun ano, con posibilidade de prórroga e unha remuneración que vai en función de factores como o rango do investigador ou investigadora, a súa experiencia laboral, o seu currículo ou os premios acadados.

Publicidade

Proxecto Táctica

O proxecto Táctica, ao que a Universidade de Vigo deberá achegar preto de dous millóns de euros para completar o seu financiamento, potenciará as capacidades de transferencia de tecnoloxía, nas súas variantes, permitíndolle ao centro de investigación prestar un mellor servizo como dinamizador da innovación nas empresas do hipersector TIC. “Pero ademais”, como sinala Nuria González, “permitirá probablemente poñer en marcha fórmulas de transferencia menos explotadas ata o de agora, como compartir royalties, licenciar propiedade intelectual e, mesmo potencia outras, como a creación de EBT,S”. Ademais destes impactos globais, cada subproxecto xerará impactos particulares na súa contorna socioeconómica.

150 investigadores integran actualmente o centro tecnolóxico AtlantTIC

Da telemedicina á busca semántica e da radio cognitiva ao radar polarimétrico, moitas son as liñas de investigación nas que na actualidade traballan os 150 investigadores e investigadoras que integran AtlantTIC. Accións, que desde o punto de vista do mercado, pódense englobar en cinco grandes áreas: as arquitecturas de software avanzadas; multimedia; comunicacións inalámbricas, seguridade e caracterización e medida, e que segundo Nuria González “gardan un claro paralelismo coas empresas ¨TIC galegas, como proba a gran cantidade de actividades contratadas no centro, que acadaron os 5 millóns de euros no período 2009-2012.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Tecnoloxía personalizada para o rural: “Se unha persoa maior se perde, o seu veciño pode saber onde está”

Un equipo de atlanTTic investiga a viabilidade de prestar servizos dixitais nas aldeas sen cobertura adaptados ás necesidades dos seus habitantes

A UVigo deseñará sensores fotónicos para identificar células tumorais

Membros de atlanTTic participan no proxecto europeo Retina para a mellora de procesos nos ámbitos da saúde, da automoción e da agricultura

Pódese predicir o estrés emocional dos adolescentes a través da voz? Así o investiga atlanTTic

Dende o centro da UVigo lidéranse varios proxectos nos que se utiliza a intelixencia artificial para analizar a fala e, así, mellorar a calidade de vida das persoas

A primeira doutora en Aeroespacial da UVigo: “Espero que sirva para romper as barreiras de xénero”

Uxía García Luis, investigadora de atlanTTic, centrou a súa tese na fiabilidade das análises termo-elásticas dos telescopios espaciais