O reitor da USC, Juan Viaño, e a decana da facultade, Emilia Vázquez. Foto: USC.

O reitor da USC, Juan Viaño, e a decana da facultade, Emilia Vázquez. Foto: USC.

A Facultade de Económicas da USC celebra o seu 50º aniversario

Haberá numerosas actividades ao longo de curso; a primeira delas, un acto solemne este martes no Pazo de Fonseca

Hai agora medio século, no curso 1967-68, botaban a andar os estudos de economía en Galicia coa apertura da Facultade de Ciencias Económicas e Empresariais da Universidade de Santiago de Compostela. Co gallo do aniversario, a USC preparou un extenso calendario de actividades que comezará este martes 3 de outubro cun acto solemne que inaugurará estas celebracións.

O acto, que terá lugar no Salón Nobre do Pazo de Fonseca ás 12 horas, acudirán o reitor da USC, Juan Viaño Rey; o conselleiro de Facenda, Valeriano Martínez García; os ex presidentes da Xunta de Galicia e ex alumnos da facultade, Fernando González Laxe e Emilio Pérez Touriño; e a decana de Ciencias Económicas e Empresariais, Emilia Vázquez Rozas. Tamén intervirán o catedrático ad honorem da USC José Carlos de Miguel, o profesor máis antigo do centro na actualidade, e a profesora María Carmen Guisán, tamén catedrática ad honorem, que falará dos 50 anos de economía en Galicia.

Entre as celebracións do 50º aniversario destacan o congreso ‘50 anos da Economía Galega’; o Encontro entre profesores de economía e empresa de ensino medio e superior; unha nova edición dos Premios Crearte na Universidade; a reunión da Confederación Española de Decanas e Decanos de Economía e Empresa; a fase final da X Olimpíada Española de Economía; o programa Emprega-T; a 12th Regional Innovation Policies Conference; o Foro de Emprego Compostalent – AIESEC; o Coloquio Ibérico de Economía Social, ou o V Encontro Internacional de Mozos Emprendedores.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.