Pola súa produción científica total, a USC é a décimo segunda de España.

Pola súa produción científica total, a USC é a décimo segunda de España.

A USC encabeza en España a produción científica en Matemáticas e Computación

O ránking Leiden posiciona á USC como 12ª de España e 360ª mundial pola totalidade da súa produción científica

A edición 2016 do ránking Leiden posiciona a USC no posto 360 de entre 842 universidades de 53 países diferentes ordenadas polo seu volume de publicacións científicas. De entre as de Europa atópase na posición 133 e é a décimo segunda das españolas, sempre atendendo ao número de publicacións producidas entre 2011 e 2015. Para o reconto, o ránking toma en consideración as publicacións rexistradas en Web of Science.

Ademais da valoración xeral, o de Leiden inclúe clasificacións específicas en Ciencias Biomédicas e Saúde, Ciencias da Terra e da Vida, Ciencias Física e Enxeñaría, Ciencias Sociais e Humanidades e Matemáticas e Ciencias da Computación. Xustamente neste último campo é onde a USC acada os seus mellores resultados: primeira das españolas, oitava de Europa e vixésimo oitava do mundo ao tomar en consideración a proporción de publicacións que, en comparación con outras no mesmo campo e ano, pertencen ao 1% das máis frecuentemente citadas. Tomando en consideración o total das publicacións neste ámbito, a USC sitúase quinta de España, 43ª de Europa e 149ª do mundo.

No eido da Computación, a USC acada a 1ª posición española, a 8ª europea e a 28ª mundial

A USC tamén se posiciona a quinta de entre todas as españolas pola súa produción científica en Ciencias da Terra e da Vida, no posto 51 de entre as europeas e no 152 no conxunto das 842 que se recollen nesta clasificación. Tamén se alcanzan posicións destacadas polo produción científica en Ciencias Biomédicas e Saúde, sétima de España, e na posición 157 de España e 406 do total.

No campo das Ciencias Físicas e Enxeñaría, Santiago é a décima de España pola número de publicacións entre o 1% das máis citadas e na posición 117ª de entre as universidades europeas polo total da súa produción científica, así como 344 a nivel mundial. Polo que respecta ás Ciencias Sociais e Humanidades a investigación realizada na USC ascende á posición décimo segunda de España e á 140ª de Europa pola proporción de publicacións que, en comparación con outras no mesmo campo e ano, pertencen ao 1% das máis frecuentemente citadas. Finalmente, polo total da produción neste eido, a USC sitúase no posto 434 a nivel global.

Para a selección final de universidades, valoráronse aquelas cun mínimo de 1.000 publicacións indexadas en Web of Science entre 2011 e 2014. Ademais, unicamente computáronse publicacións en revistas científicas internacionais e, dentro destas, os artigos de investigación e de revisión.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.