Península Ibérica desde el espacio

A contaminación lumínica en Galicia, baixo control

A Universidade de Santiago e MeteoGalicia poñen en marcha a Rede galega de medida do brillo do ceo nocturno

Universidade de Santiago de Compostela e MeteoGalicia colaborarán na avaliación dos niveis de contaminación lumínica para mellorar as medidas de eficiencia enerxética en Galicia. O traballo realizarase a través da Rede galega de medida do brillo do ceo nocturno, unha das primeiras e máis extensas redes públicas existentes a nivel mundial para a monitorización dos niveis de brillo do ceo provocados polas emisións artificiais de luz. A súa posta en marcha é froito da colaboración entre o grupo de investigación en Microóptica e Sensores de Frente de Ondas da USC e Meteogalicia.

O servizo componse de trece detectores instalados noutras tantas estacións meteorolóxicas de Meteogalicia que recollen os datos obtidos dende a súa entrada en servizo progresivo nos anos 2013 e 2014. Os resultados desas medicións poden consultarse xa na web de MeteoGalicia, onde se mostran datos das máis de 4,5 millóns de medicións realizadas durante o ano 2014.

Detector de contaminaciónn lumínica

O investigador da USC Salvador Bará explica o funcionamento dos detectores nun acto celebrado nas instalacións de Meteogalicia. Foto: Ana Varela. Xunta de Galicia

Os detectores instalados nas estacións automáticas de Meteogalicia están distribuídos entre zonas fortemente emisoras de luz, é dicir, as zonas urbanas e periurbanas, e as zonas de menor emisión lumínica, como as áreas rurais e de montaña ou no Parque Nacional das Illas Atlánticas de Galicia, informa a USC.

Os resultados obtidos permiten comprobar como nas estacións rurais, de montaña e nas situadas no Parque das Illas Atlánticas o brillo cenital en noites despexadas é entre 1,6 e 4 veces superior ao que se considera nunha noite escura en condicións naturais. Ou que nas áreas urbanas o brillo cenital típico en noites despexadas é entre 10 e 40 veces superior ao correspondente a unha noite escura en condicións naturais.

Ademais de para unha mellor planificación das medidas de eficiencia enerxética, a información que proporciona esta rede ten moito interese para as actividades astronómicas. En concreto existe unha iniciativa promovida pola Unesco, denominada Startlight, que certifica que as condicións dos ceos nocturnos permiten unha observación astronómica de calidade. A rede que se vén de presentar debe servir para conseguir este tipo de certificacións e, polo tanto, diversificar os intereses turísticos dos lugares que aspiran a acadar o distintivo Starlight.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.