A cafeína retrasa o ritmo circadiano e tamén adianta o espertar.

A cafeína retrasa o ritmo circadiano e tamén adianta o espertar.

Tomar cafeína pola noite retrasa o noso reloxo biolóxico

Un café ou equivalente tres horas antes de durmir atrasa 40 minutos o ritmo circadiano e fai tamén que espertemos antes

Non é un segredo que tomar cafeína pola noite pode perturbar o soño, pero un estudo mostra por primeira vez que esa cafeína nocturna atrasa o ritmo circadiano, é dicir, o noso reloxo biolóxico. O estudo, levado a cabo por investigadores da Universidade de Colorado, en Boulder (Estados Unidos) e do Laboratorio de Bioloxía Molecular de Cambridge (Reino Unido), mostra que a cantidade de cafeína que contén un expreso dobre ou o seu equivalente (por exemplo en bebidas de cola) tres horas antes de durmir induce a unha fase de 40 minutos de atraso no reloxo biolóxico humano, que oscila en ciclos de aproximadamente 24 horas.

‘É o primeiro estudo que demostra que a cafeína influé no reloxo circadiano’

“Este é o primeiro estudo que demostra que a cafeína, a droga psicoactiva máis consumida no mundo, inflúe sobre o reloxo circadiano humano. Ademais achega novas e interesantes probas sobre os efectos da cafeína na fisioloxía humana”, afirma Kenneth Wright, profesor no departamento de Fisioloxía Integrativa da Universidade de Colorado.

Os resultados deste traballo, publicado na revista Science Translational Medicine, explican por que as persoas que beben cafeína a horas máis tardías van durmir máis tarde e espértanse máis cedo. E o que é máis importante, podería ter implicacións no tratamento dalgúns trastornos do soño, segundo conclúe Wright.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.