Praia de Samil, en Vigo.

Praia de Samil, en Vigo.

Por que nos saen manchas solares na pel?

As pencas actínicas aparecen en cara, mans e brazos, e están producidas polo Sol acumulado durante varios anos

A causa principal das pencas de sol é a exposición á radiación solar da pel humana non protexida. Pero non todas as manchas son iguais nin afectan por igual a todos os tipos de pel; hai algunhas que están relacionadas coas hormonas.

Segundo explica á axencia Sinc Mª Teresa Estrach, xefa do Servizo de Dermatoloxía do Hospital Clínic de Barcelona, “as pencas actínicas (pencas solares) aparecen sobre todo en peles bastante clariñas e en xente maior debido ao acúmulo do sol tomado durante varios anos. Localízanse nas áreas máis expostas ao sol, particularmente as mans, a cara, os ombros e os brazos”.

O melasma é debido ás hormonas en embarazo ou por anticonceptivos

Hai outras manchas que saen en mulleres embarazadas ou que toman anticonceptivos e que adoitan saír máis na cara, sobre todo nas meixelas. Coñécense como melasma e son debidas ás hormonas.

O terceiro tipo de manchas son os lunares ou nevus, indirectamente relacionados co sol, que os activa e ademais potencia que vaian saíndo máis. “Algunhas manchas poden aparecer na primeira exposición, sobre todo combinada coa toma de certos medicamentos: antibióticos, antiinflamatorios ou outras substancias fotosensibilizantes, como os diuréticos”, indica a dermatóloga. Aínda que, en xeral, a aparición de manchas como consecuencia da exposición solar non é inmediata. Por iso non adoitan aparecer en nenos nin adolescentes, senón na idade adulta.

As manchas que aparecen durante o embarazo son as que máis doadamente se quitan cunha boa fotoprotección -non expoñéndose ao sol sobre todo en verán- e con cremas despigmentantes. Igualmente, as ocasionadas pola toma de medicamentos tamén poden desaparecer. “Custa pero quítanse”, subliña Estrach. “Pola contra, nas debidas á idade hai que facer tratamentos máis activos, como crioterapia ou láser”.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.