O envase da cervexa inflúe na resposta emocional do consumidor

O envase da cervexa inflúe na resposta emocional do consumidor

A xente compra cervexa máis polo deseño da etiqueta que polo sabor

Ante unha cata a cegas inflúe máis o envase que os atributos da bebida, segundo un estudo da Universidade Politécnica de Madrid

A aparencia inflúe. Tamén á hora de beber unha cervexa. A investigadora Carolina Chaya da ETSI Agrónomos da Universidade Politécnica de Madrid, xunto a investigadores das universidades de Nottingham e Montpellier, levaron a cabo un estudo entre consumidores de cervexa para avaliar como inflúen os atributos sensoriais e os envases de dez tipos distintos de lager na resposta emocional evocada tras a súa cata.

A resposta emocional dos consumidores é moi útil para entender o mercado

A resposta emocional dos consumidores é moi útil para entender o mercado

Para iso, utilizando unha técnica denominada EsSense Profile, noventa consumidores avaliaron 10 tipos distintos de cervexas comerciais lager en tres condiciones diferentes de cata: cega (só líquido), paquete (só envase) e informada (líquido máis envase). Do estudo conclúese que o impacto do envase sobre a resposta emocional é maior que o exercido polas propiedades sensoriais das cervexas a cegas e pode nalgúns casos acentuar e noutros contrarrestar o perfil emocional duns produtos fronte a outros.

Os resultados amosan que a resposta emocional é diferente dunhas cervexas a outras e que ditas diferenzas prodúcense tanto en termos de pracer como en termos de activación e implicación. No conxunto de cervexas avaliadas, produtos con maior carbonatación suscitaron emocións máis pracenteiras e produtos con maior dozura asociáronse con emocións de menor activación. Tamén observaron que, en relación co envase, a dimensión de activación asóciase claramente co contido en alcol. É dicir, envases de cervexas con alto contido alcohólico evocan emocións máis activadas, tanto negativas como positivas -agresivo e aventureiro, por exemplo-, mentres que os envases con niveis reducidos de alcol evocan emocións con menor activación, como aburrido e tranquilo.

A neurociencia demostra que sen emocións é difícil para o ser humano tomar decisións

Os resultados, publicados no Journal of the American Society of Brewing Chemists, poden axudar na innovación deste tipo de produtos en canto á súa posición no mercado e ás súas campañas de promoción e marketing. Os avances recentes en neurociencia demostran que sen emocións é realmente difícil para o ser humano tomar decisións. Está demostrado que as emocións guían e orientan a toma de decisións e poden axudar a comprender o comportamento do consumidor á hora de elixir un produto fronte a outro, polo que medir a resposta emocional convértese nun elemento fundamental para proporcionar unha visión máis rica das respostas do consumidor.

Neste contexto, o traballo perseguía varios obxectivos: medir a resposta emocional dos consumidores ante a cervexa, determinar se existe algunha relación entre os atributos sensoriais e emocionais evocados polos produtos, e investigar sobre o impacto relativo dos atributos sensoriais e do envase na resposta emocional evocada pola cervexa.

Nos mercados extremadamente competitivos de hoxe en día, o uso da medición hedónica por si soa é insuficiente para avaliar a experiencia de consumo, polo cal, o éxito e mantemento dun produto no mercado fronte aos seus competidores require dunha mellor comprensión dos factores que guían o comportamento do consumidor.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.