Os pacientes melloraban máis se pensaban que estaban a tomar un remedio caro.

Os pacientes melloraban máis se pensaban que estaban a tomar un remedio caro.

Os placebos son máis eficaces cando parecen caros

Enfermos de párkinson melloraron un 28% máis cando se lles dixo que un remedio custaba 1.300 euros que dicíndolles 90

O diñeiro resulta moi suxestivo. Tanto, que o cerebro está máis disposto ao autoengano cando median cartos. Un estudo en persoas con párkinson probou que os medicamentos cun prezo elevado xeran máis expectativas de mellora que os baratos. Ante a perspectiva de curación, o cerebro libera dopamina, precisamente a sustancia que necesitan os enfermos de párkinson para mellorar as súas funcións motoras. O mesmo remedio curaba máis cando se lles dicía aos pacientes que custaba 1.300 euros que cando se lle daba o precio real: 90 euros.

Os medicamentos, ademáis das súas funcións propias, crean expectativas de curación nos pacientes. En numerosas ocasións, estas esperanzas producen unha melloría similar ou maior á que producen os fármacos, o que se coñece como efecto placebo. O novo estudo, levado a cabo por investigadores da Academia Estadounidense de Neuroloxía, indica que este efecto é maior cando o prezo dos remedios é elevado. O artigo foi publicado na revista da academia, American Academy of Neurology.

Cando coñeceron a verdade, os pacientes se abraiaron da gran diferenza que notaran

“As expectativas desempeñan un papel importante na eficacia dos tratamentos, sobre todo en persoas con enfermidade de Parkinson”, explica o venezolano Alberto J. Espay, investigador en neuroloxía da Universidade de Cincinnati (EUA) e autor principal do artigo.

A investigación levouse a cabo en 12 pacientes con esta patoloxía. Os científicos administraron a cada un deles dúas doses de placebo-una solución salina-, indicándolles que se trataba de dous medicamentos diferentes, igualmente efectivos, pero de diferente prezo, uns 90 e 1.300 euros, respectivamente. Antes e despois de cada toma, os participantes pasaron varias probas para medir as súas habilidades motoras e sometéronse a escáneres para medir a actividade cerebral.

Ao tomar o fármaco etiquetado como caro, os pacientes melloraron nun 28% as súas habilidades motoras en comparación a cando tomaban o barato. Os resultados da resonancia magnética tamén mostraron unha diferenza a favor do medicamento de maior valor económico.

Cando se informou os participantes da natureza do estudo, os pacientes mostraron asombro pola gran diferenza que notaran. Un dato importante é que o párkinson pode ser máis sensible ao efecto placebo, xa que a segregación de dopamina está relacionada cos estados de ánimo. A única limitación para aplicar este estudo na práctica é que a percepción de “caro” e “barato” non é a mesma en todos os cidadáns. “Sería interesante coñecer en que casos un medicamento de 90 euros é considerado barato”, sinalan os investigadores.

Unha resposta a “Os placebos son máis eficaces cando parecen caros”

  1. Susie

    https://www.youtube.com/watch?v=5lgn9uEHLc8

    incredible!

    Así funciona a manipulación capitalista histórica… nin nos damos conta!

    Pero ben! Según conclúe o estudo, polo que entendo… facer feliz a un conta como menciña!!!

    É dicir, exemplo: eu sufro calquera patoloxía nerviosa, e gústanme os gatos (gato=cartos, neste símil), pero non adoito tocar moitos por X motivo… logo, se levo un gato á miña casa melloraría a miña doenza??? E se levo macho e femia e se fai familia curo de todo????

    Pregunta ao aire 😛

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.