Únete á nosa canle de Whatsapp
46733318335923109998833558556111… e así ata chegar ata máis de 23 millóns de díxitos. O enxeñeiro estadounidense Jonathan Pace descubriu a finais do pasado mes o maior número primo xamais coñecido, segundo anunciou a Great Internet Mersenne Prime Search, unha organización internacional de voluntarios que desde 1996 traballa para atopar o maior número primo posible a partir de simulacións informáticas.
Desde entón, xa levan atopados máis dunha ducia de exemplos de número primo con millóns de díxitos. O atopado por Jonathan Pace ten case un millón de dixitos máis que o anterior, atopado en xaneiro de 2016. Para representalo, recibiu o nome de M77232917. Esta cifra, que como todo número primo é só divisible por si mesma e pola súa unidade, forma parte dunha clase de números coñecidos como primos de Mersenne, bautizados así na honra do monxe francés Marin Mersenne, que comezou a estudar estas cifras hai máis de 350 anos.
Se tes curiosidade por descargalo, podes facelo nesta ligazón.
