Un sensor detecta o nivel de furfural, un composto que aparece cando a cervexa envellece

Un sensor detecta o nivel de furfural, un composto que aparece cando a cervexa envellece

Crean unha app do teléfono para saber se a túa cervexa está rancia

Un grupo de químicos da Universidade Complutense desenvolve un método que mide a frescura da bebida

¿Quen non se levou algunha vez unha desagradable sorpresa ao probar un grolo de cervexa e comprobar que estaba rancia? Esa molesta sensación podería ter os días contados grazas a un método desenvolto por un grupo de químicos da Universidade Complutense de Madrid. Para isto, os investigadores descubrir un sensor que cambia de cor cando detecta furfural, un composto que aparece cando a cervexa comeza a envellecer. Ao mesmo tempo, crearon unha aplicación para dispositivos móbiles que detecta a cantidade de furfural e, por tanto, o grao de frescura da cervexa, a partir dunha fotografía realizada ao sensor.

O material utilizado polos investigadores da Complutense consiste nuns discos sensores feitos dun polímero similar ao que se emprega para facer as lentes de contacto. Os discos cambian de cor amarela a rosa cando entran en contacto co furfural.

Este traballo, coordinado polas investigadoras Elena Benito-Peña e María Cruz Moreno-Bondi, forma parte dun proxecto Innpacto, dependente do Ministerio de Economía en colaboración co grupo Mahou-San Miguel. Os resultados foron publicados na revista Analytical Chemistry.

O método pode utilizarase para analizar o estado de mel, leite ou café

Ata o de agora, a cantidade de furfural medíase a través de técnicas cromatográficas moito máis custosas. Este descubrimento permitirá aforrar custos e tempo, xa que a preparación da mostra cos métodos anteriores tamén esixía moito tempo. Os investigadores subliñan que o mesmo método tamén se pode utilizar para avaliar o estado doutros alimentos como mel, leite ou café.

A aplicación está dispoñible en código aberto, de xeito que calquera programador pode utilizala e modificala para usala noutras plataformas.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.