A NASA ofrece a posibilidade de que o teu nome figure nun microchip de silicio que levará a Marte o ‘aterrizador’ Insight, que en marzo do ano que vén parte cara ao planeta vermello para estudar a súa estrutura interna e que conta con tecnoloxía española. Só tes que inscribirte na web da campaña da axencia espacial estadounidense antes do 8 setembro.
No teu boarding pass figurarán datos da viaxe, como a distancia que percorrerá o teu nome (479.271.181 km) e o lugar de aterraxe: Elysium Planitia, a ‘chaira da felicidade ideal’.
De momento, a axencia emitiu preto de 110.000 tarxetas de embarque. Quen queira unha destas ‘boarding pass’ o único que necesita é entrar na Web habilitada pola NASA, rexistrar os datos persoais (Nome, email e país) e compartilo en redes sociais para difundir a iniciativa.
Non é a primeira vez que a NASA aposta pola colaboración cidadá. Xa no 2009 propuxo enviar nomes que se gravarían nuns chips integrados na misión do Curiosity, unha acción na que se rexistraron máis de 1.2 millóns de nomes que, finalmente, chegaron a Marte abordo do Rover en agosto do 2012.
Markos, un nome de raíz marciana, que viaxa a marte.