O estudo revela que emocións como a vergoña funcionan mellor para disuadir ao consumidor que o noxo

O estudo revela que emocións como a vergoña funcionan mellor para disuadir ao consumidor que o noxo

A foto dun bebé escorrenta a máis fumadores que a dun pulmón enfermo

As imaxes que causan vergoña ou angustia nos paquetes de tabaco reducen máis o desexo de compra que aquelas que apelan ao noxo

As  imaxes que producen vergoña, a angustia ou a indignación gáñanlle ás que dan medo ou noxo cando se tratar de disuadir do fumador que merca un paquete de tabaco. Esta é polo menos a conclusión dun estudo financiado pola Comisión Europea, no que participou Open Evidence, a primeira spin-off da Universitat Oberta de Catalunya (UOC). As enquisas realizadas entre máis de 8.000 persoas de dez países europeos revelan que a foto dunha nai fumando a carón do seu bebé reduce máis o desexo de compra que a duns pulmóns danados.As fotografías dos paquetes de cigarros poden reducir até un 80% o desexo de compra dos consumidores.

O estudo realizouse en 10 países europeos, tanto a fumadores como non fumadores

O estudo realizouse en 10 países europeos, tanto a fumadores como non fumadores

Trátase do traballo máis complexo que se elaborou no mundo ata agora, cunha enquisa que tratou de conseguir unha mostra real da diversidade do continente. Para realizar as entrevistas escolléronse países mediterráneos, anglosaxóns, do leste e escandinavos. Os estados participantes foron España, Alemaña, Bélxica, Dinamarca, Francia, Italia, Polonia, Reino Unido, Romanía e Suecia. A meta da investigación é analizar que emocións provocan aos cidadáns, tanto fumadores como non fumadores, as advertencias en forma de imaxe que se atopan por imperativo legal nos paquetes de tabaco, así como o desexo de compra e o que estarían dispostos a pagar logo de velas.

Tras mostrar sete paquetes de tabaco co mesmo texto impreso, pero con fotografías distintas, fíxose evidente que as imaxes que desprenden emocións como vergoña, indignación, ansiedade ou angustia tenden a ser máis eficaces que as que evocan sentimentos de medo ou repugnancia.Segundo os autores, unha fotografía onde aparece unha nai cun bebé en brazos mentres fuma ten un efecto máis negativo que a duns pulmóns afectados polo fume inhalado ou a dunha persoa enferma.

Francisco Lupiáñez, coautor do estudo e cofundador de Open Evidence, asegura que o estudo logra demostrar que as emocións provocadas polas imaxes teñen un efecto claro no desexo de compra, así como medir os distintos tipos de emocións e saber sobre cales se ten que influír para a mensaxe resulte máis efectiva.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.