O xeito de saudar, mesmo por teléfono, forma unha opinión sobre o interlocutor.

O xeito de saudar, mesmo por teléfono, forma unha opinión sobre o interlocutor.

O xeito de dicir ‘ola’ forma a primeira impresión dos demais

Un estudo demostra que temos unha idea da personalidade do interlocutor en menos dun segundo, mesmo sen chegar a velo

A opinión sobre os demais fórmase en menos dun segundo e mesmo sen contacto visual, só coa voz. Así un determina un estudo publicado na revista Plos One, que revela os puntos clave para crear unha boa primeira impresión noutra persoa.

Psicólogos das universidades de Glasgow (Escocia) e Princeton (EUA) demostraron que un simple ‘ola’ abonda para sacar conclusións sobre o tipo de personalidade da persoa que fala. Para os autores, o máis sorprendente é que estes xuízos se poden elaborar mesmo sen ver á persoa que está a falar. Para levar a cabo o estudo, realizouse un experimento on line no que participaron 320 voluntarios.

Os participantes escoitaron unha serie de gravacións de 64 falantes escoceses dicindo ‘ola’ e despois valoráronas. Pedíaselles que clasificasen as gravacións de acordo con dez trazos de personalidade como o grao de confianza, dominación, atractivo, honradez e calidez. O traballo revela que as mesmas gravacións suscitaban impresións similares na maioría dos participantes e que estas opinións se formaban rapidamente despois de escoitar as voces -aínda que soamente fose entre 300 e 500 milisegundos-.

Os homes que elevan o ton de voz son vistos como dignos de confianza

“É incrible que a partir deste tipo de exposicións curtas do discurso se poida obter unha impresión tan clara dunha persoa. E máis aínda que a súa impresión sexa a mesma que reciben outros oíntes”, explica Phil McAleer, director deste estudo.

Os resultados suxiren que o ton de voz que se utiliza para saudar contribúe inmediatamente a formar a primeira impresión da persoa coa que se está a falar. Ademais, os investigadores determinan que os trazos de personalidade máis importantes son a honradez e a dominación. Así, os homes que elevan o ton (altura do son) son vistos como persoas dignas de confianza.

Podes ler máis sobre a investigación
neste artigo da revista Plos One

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.