Xúpiter atópase coa Lúa

Explicación: Que está ao carón da Lúa? Xúpiter; mailas súas catro lúas máis grandes. Os observadores do ceo de todo o planeta Terra gozaron do encontro próximo do planeta coa Lúa pouco antes do mencer do 15 de xullo de 2012. E mentres moitos miraban ao brillante Xúpiter próximo ao fino crecente luar, os europeos tamén tiveron a oportunidade de ollar ao dominante xigante gasoso pasando por tras do disco lunar, ocultado pola Lúa mentres escorregaba na noite. As nubes ameazaron esta imaxe telescópica desde Montecassiano (Italia), pero a imaxe captura aínda a Xúpiter despois de emerxer da ocultación xunto coas catro grandes lúas galileanas. O crecente brillante pola luz solar está sobreexposto co lado escuro da Lúa sendo alumeado debilmente polo brillo da Terra. Aliñados de esquerda á dereita máis alá do limbo lunar escuro están Calixto, Ganímedes, Xúpiter, Ío e Europa. De feito, Calixto, Ganímedes e Ío son máis grandes cá Lúa terrestre, mentres que Europa tan só é lixeiramente máis pequena.