Vía Láctea e lucecús

Explicación: unha cámara suxeita a un trípode nun solpor do verán setentrional captou as series de fotografías usadas nesta queda paisaxe celeste ao sur de Ontario. A vista da beira do lago enmarca á nosa fermosa galaxia sobre as augas tranquilas e as aparicións luminosas que son a quintaesencia da noite. Pero os ronseis de luz non son nin relanzos de satélite, nin flashes meteóricos nin brillo auroral. Son lucecús. Na composición de amplo campo construída con catro exposicións consecutivas de 15 segundos, un vagalume palpitante entra pola dereita, vagando primeiro cara a cámara, despois á esquerda e de novo cara o lago, coa Vía Láctea central erguéndose no fondo.