Xoves 28 Marzo 2024

Valentín Carrera publica a crónica da súa viaxe coa Campaña Antártica

Durante cinco meses, de novembro de 2016 a marzo de 2017, o xornalista e escritor Valentín Carrera formou parte da XXX Expedición Científica Española que traballou na Antártida. Cinco meses nos que publicou numerosas e reportaxes, fotografías e vídeos sobre o labor dos científicos, entre os que había un grupo de investigadores galegos.

Agora, Carrera publica o libro “A aventura da ciencia na Antártida“, editado polo Ministerio de Economía, Industria e Competitividade, do que depende o Comité Polar Español. Durante 30 capítulos, o xornalista resume as principais experiencias científicas nas que participou durante a súa viaxe.

Publicidade

medioambiental/a-antartida-abre-os-poros-do-sentimento-e-da-percepcion/

Os textos recollen as conversas con científicos, mariñeiros e militares participantes na campaña, e están acompañados de numerosas fotografías do continente xeado. Para remarcar o seu punto de vista científico, cada un dos capítulos foi revisado por expertos nos correspondentes ámbitos (bioloxía, xeoloxía, sismoloxía, cambio climático, cartografía ou oceanografía, entre outros).

A travesía antártica de Valentín Carrera, que se pode consultar no blog Horizonte Antártida, desenvolveuse a bordo dos buques Sarmiento de Gamboa e Hespérides e nas bases Juan Carlos I e Gabriel de Castilla. Tamén visitou a Patagonia, a Terra do Fogo, o estreito de Magallanes ou a illa Rei Jorge, entre outros lugares.

O libro pode mercarse na librería virtual do Mineco (nesta ligazón).

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Confirmada a presenza de gripe aviaria por primeira vez na Antártida

O virus detectouse en mostras de aves mortas, achadas por científicos arxentinos nas proximidades da base 'Primavera'

Científicos galegos buscan na Antártida procesos naturais que afecten á supervivencia do planeta

Falamos co investigador Mariano Lastra, quen estuda a degradación das algas baixo distintos niveis de radiación e como isto afecta aos nutrientes dispoñibles

Cinco proxectos científicos de institutos galegos “viaxarán” á base española na Antártida

O CSIC premia a alumnado da Coruña, Lugo e O Grove no seu certame "AntarcticLab"

Oito viaxes á Antártida en 20 anos: “Chegar aquí sempre é impresionante”

Mariano Lastra encabeza o equipo da UVigo que está a investigar en Illa Decepción o efecto dos raios ultravioleta nas macroalgas