Venres 29 Marzo 2024

Morre a primeira toniña de 2019 en Galicia

Unha femia de "Phocoena phocoena", unha especie clave para a biodiversidade da costa galega, apareceu na praia de Ostreira, en Poio

A toniña común (Phocoena phocoena) é un dos cetáceos máis pequenos que hai nas costas europeas. E este luns, na praia de Ostreira, en Poio, apareceu morto o que é o primeiro exemplar de 2019 en Galicia. Despois da aparición de grandes baleas, que chamaron a atención polas súas grandes dimensións, a Coordinadora para o Estudo dos Mamíferos Mariños (Cemma) deu conta da morte deste exemplar. “Un animal que non sairá nos telediarios porque non é a especie máis grande senón precisamente a máis pequena, pero o seu valor na biodiversidade mariña e na comunidade de cetáceos galegos é maior”, subliña a entidade.

Segundo explica Alfredo López, responsable da entidade, tratábase dunha femia xa maior, que xa cumprira o seu ciclo reprodutivo. “Estaba bastante desnutrido e tiña unha importante carga parasitaria”. Ademais, aínda que non foi a causa directa da morte, tiña un anaco de plástico de 10×6 centímetros no estómago.

Publicidade

“Para nós a toniña é moi importante, porque aquí está nunha situación crítica, e cada unha que aparece morta é unha menos no mar”. Debido á importancia de recoller datos deste exemplar, a toniña será analizada nos laboratorios da Cemma. Neste caso era unha femia adulta “o tramo de idade que máis se viu reducido nas últimas décadas” e lactante. “Esperemos que o seu cachorro fose xa quen de valerse por si mesmo, subliñan desde a entidade.

Segundo deu a coñecer estes días desde a Cemma despois da sucesión de chegadas de baleas adultas, entre 1990 e 2018 vararon 178 exemplares de grandes cetáceos en Galicia (baleas e cachalotes). Os datos expoñen que a media anual foi aumentando pouco a pouco, pasando de 4 anuais entre 1990 e 1999 a 7 entre 2000 e 2009 e 8 entre 2010 e 2018. Este último ano, con seis, “non resulta ser un ano que destaque, xa que houbo anos de 10 e 12 exemplares”. Porén, como xa subliñan desde a Cemma, que se concentren tantos varamentos en apenas un mes é “extraordinario”.

Retirada da balea en Valarés

Precisamente o último gran cetáceo, aparecido o sábado na praia de Valarés, en Ponteceso, segue no areal debido a que se complicaron as tarefas de retirada. Na fin de semana, cando se intentou remolcar mediante unha cadea, a cola desprendeuse, o que obrigou a suspender as tarefas. Nese tempo, centos de curiosos achegáronse para ver o maxestoso animal de preto.

Este martes reanudáronse as tarefas, xa que finalmente se optou por despezar o animal. Operarios do Concello de Ponteceso, coa colaboración da Cemma e a Xunta de Galicia, traballan desde primeira hora para completar a operación. O concello manifestou a súa vontade de conservar o esqueleto da Balaenoptera physalus para expoñelo como atracción turística e de divulgación.

Precisamente en Ponteceso apareceu tamén outro exemplar de balea que quedou para a posteridade. O esqueleto que hoxe está exposto no museo da Sociedade Galega de Historia Natural, en Ferrol, pertence a un animal varado na praia de Niño do Corvo en 2004.

Do teito do Museo da Natureza de Ferrol pendura o esqueleto completo dunha balea de aleta (Balaenoptera physalus) de 18 metros.
Do teito do Museo da Natureza de Ferrol pendura o esqueleto completo dunha balea de aleta (Balaenoptera physalus) de 18 metros.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:00:22

Ibai, Luceira e Lula: as tres tartarugas que vararan en Galicia volven ao mar

Despois de pasar por un centro de recuperación e expulsar todos os plásticos do tracto dixestivo poden regresar ao océano

“As toxicidades atraídas polos ‘pellets’ son unha ameaza para os animais mariños”

Dende a Cemma apuntan que o máis preocupante é o risco de afección que sofren os mamíferos acuáticos
00:00:25

Un lobo mariño na Coruña: "A chegada dunha femia adulta ás costas é inusual"

A Cemma segue a ruta deste exemplar dende o 30 de decembro, cando foi avistada en Burela

Este vídeo amosa todos os plásticos extraídos dun cetáceo varado na Coruña

Gran parte dos varamentos destas especies débese á presenza de residuos humanos que obstrúen o seu sistema dixestivo