Venres 29 Marzo 2024

As tres universidades galegas mantéñense entre as 1.000 mellores do mundo

As tres universidades galegas, UDC, USC e UVigo, están dentro do 5% das institucións de ensino superior máis valoradas do mundo. Así se deduce da clasificación de Times Higher Education, que as inclúe entre as 1.000 mellores, en base a trece indicadores de rendemento das principais misións dunha institución universitaria.

A mellor clasificada é a Universidade de Santiago de Compostela, que mantén a súa posición no intervalo 601-800. Mellorou a súa puntuación xeral respecto ao ano pasado (27,5), cun rexistro de 30,6. Destaca, sobre todo, no seu índice de citacións (48,2) e dimensión internacional (44,2). Non en tanto, vese lastrada polos indicadores de reputación docente (20,9) e a investigación (15) que supoñen, cada un, un 30% da ‘nota’ final.

Publicidade

No mesmo intervalo, 601-800, está a Universidade de Vigo, tamén coa mesma puntuación, 30,6, e a mesma subida desde o ano pasado, cando tiña 27,5.A UVigo sobresae na relevancia internacional (40,3) e na transferencia de tecnoloxía á industria (35,7%). Por outra banda, aparece con peores rexistros no eido da investigación (12,2) e da valoración do profesorado (19,4).

A Universidade da Coruña é a única das tres institucións académicas galegas que cae respecto a 2015, cando tiña a mesma valoración que Vigo e Santiago. Así, agora ocupa o intervalo 801-1000, cunha valoración de 21,4. O indicador mellor valorado da universidade coruñesa é a transferencia de coñecemento (34,3) seguido da relevancia internacional (30,6). Non en tanto, ten peores rexistros en investigación (11,2) e na valoración do profesorado (19,1).

A nivel global, as cinco primeiras clasificadas son Oxford, Cambridge, o California Insititute of Technology, Stanford e o Massachusetts Institue of Technology. No Estado español, as tres primeiras son catalanas: A Pompeu Fabra, no posto 140, a Autónoma de Barcelona (147) e a Universitat de Barcelona (201-250).

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O catedrático da UDC García Mira leva os seus estudos en psicoloxía ambiental ata Filipinas

A Universidade de Santo Tomás organizou unha conferencia sobre o papel da ciencia psicolóxica para abordar o impacto do cambio climático

As plantas non nativas aceleran a desaparición dos ameneiros galegos

As árbores centroeuropeas que se importan para restaurar as plantacións afectadas por unha doenza fúnxica producen uniformidade xenética

Un novo método da USC axudará a combater o furtivismo marisqueiro en Galicia

Tres investigadores estiman que entre 2012 e 2020 máis de 1.700 persoas extraeron de forma ilegal 660 toneladas de marisco

O CIM impulsa a súa presenza na investigación mariña europea

O centro vigués busca converterse nun referente establecendo colaboracións con persoal investigador e institucións internacionais