Únete á nosa canle de Whatsapp
Farmaciencia é unha comunidade de farmacéuticos que denuncia a homeopatía e outras pseudoterapias que non somentes non curan, senón que ademais poden ser un perigo para a saúde persoal e pública cando os pacientes tentan substituír con elas as terapias reais.
Co gallo do día internacional da homeopatía, este colectivo de farmacéuticos lanzou o portal Sugarfree, un buscador que permite localizar farmacias nas que nin se vende nin se publicita homeopatía.
A venda de presuntos remedios homeopáticos, que na meirande parte dos casos apenas son solucións de glucosa en auga, está permitida en farmacias en España, malia as continuas denuncias da comunidade científica sobre a súa inutilidade, que doutra banda supón un importante lucro para as compañías que promoven esta pseudociencia.
Sugarfree é unha iniciativa sen ánimo de lucro impulsada por Álex Fernández Nogueira co soporte da asociación Farmaciencia. Ademais dun buscador onde podes atopar boticas que nin vendan nin anuncien homeopatía, os usuarios tamén poden colaborar sinalando as farmacias que localizan que estean libres destes produtos.
Aquí podes consultar
o Portal Sugarfree
