Únete á nosa canle de Whatsapp
A Universidade de Santiago de Compostela e a Real Sociedade Económica de Amigos do País de Santiago (RSEAPS) asinaron este xoves un acordo para que unha parte significativa dos fondos artísticos desta entidade á universidade compostelá. Son en total vinte e sete cadros, tres columnas estatuas e unha vitrina de bandeiras que se emprazarán en distintos lugares e plantas do edificio neoclásico que alberga a Facultade de Xeografía e Historia.
En concreto, o fondo pictórico confórmano sete retratos da autoría de Fenollera, dous de Mariano Tito Vázquez, outros tantos de Elvira Santiso, once de autor descoñecido e obras de María Consuelo Gil de la Peña, José Alarcón, Isidoro Brocos, Miranda e M. Fernández.
A recepción e acollida das obras de arte fíxose a través da sinatura do contrato de acomodato que formalizaron este xoves o reitor Juan Viaño e o presidente da RSEAPS, Juan B. de La Salle, nun acto no que tamén participaron o decano da facultade anfitrioa, Francisco Durán, e o profesor da USC emembro da RSEAPS, José Manuel García Iglesias.
Como manifestou o reitor, “que inauguremos esta galería precisamente na sede orixinaria da Real Universidade, ten o seu propio valor simbólico xa que a profunda remodelación a que foi sometido este edificio a comezos do século XX foi promovido por don Eugenio Montero Ríos, prócer moi vinculado tamén á Real Sociedade de Amigos do País”.
