Xúpiter xira máis rápido que a Terra. Es capaz de imaxinar a diferenza de velocidades? E os tamaños? Como de pequeno é o planeta azul en comparación co Sol? A resposta está nun vídeo elaborado polo astrónomo James O’Donoghue, que traballa na Axencia de Exploración Aeroespacial de Xapón. A súa animación permite coñecer o tamaño relativo de todos os obxectos do Sistema Solar. Comeza cunha imaxe de Ceres, un planeta anano, e logo van aparecendo outros obxectos, entre eles a Terra. Finalmente, o vídeo mostra o Sol en comparación co resto de planetas representados.
A animación, de tan só 55 segundos, móstranos de maneira visual o que, doutra maneira, só serían cifras. Por exemplo, e segundo a información facilitada en ScienceAlert, a Terra ten 12.742 kilómetros de diámetro e Xúpiter 139.820. É dicir, un diámetro dez veces maior. Por outra parte, o Sol ten 1,38 millóns de kilómetros. É dicir, 10 veces máis ca Xúpiter e 100 veces maior que a Terra. Ou noutras palabras: no Sol poderían caber arredor dun millón de planetas Terra.