Venres 29 Marzo 2024

Comeza a Semana da Ciencia nos Museos Científicos da Coruña

Entre o 15 e o 21 de novembro, o acceso á Casa das Ciencias, Domus e Aquarium Finisterrae será gratuíto, sendo recomendábel a previa reserva

Con motivo do día de San Alberto Magno, patrón das ciencias, este luns 15 de novembro dá comezo a Semana da Ciencia nos Museos Científicos Coruñeses que, até o 21, contempla a gratuidade da entrada á Casa das Ciencias, Domus e o Aquarium Finisterrae.

Para facilitar o acceso mais, especialmente, en previsión dunha importante afluencia de público, é recomendábel a reserva previa das entradas, que poderá facerse cun máximo de tres días de antelación. Sen a mesma, o acceso estará permitido unicamente se o aforamento do museo nese momento non está completo. No que respecta ás sesións do Planetario, as invitacións dispoñíbeis entregaranse media hora antes de cada sesión.

Publicidade

Programación dos Museos

Entre as exposicións que se poderán visitar, a Casa das Ciencias conta con “Ceos Galegos”, unha colección de fotografías do ceo nocturno e diúrno, ou “Arriba e máis aló”, a mostra instalada no espazo exterior que repasa algúns dos fitos da astronomía.

Na Domus, “Bocados” explora a nutrición e os Obxectivos de Desenvolvemento Sustentable (ODS) da ONU, mentres que “Xogo de neuronas. Pezas da intelixencia humana” é unha exposición na que se exploran a anatomía e o funcionamento do cerebro.

Xa no Aquarium Finisterrae, a Sala Humboldt acolle “Sexo azul”, unha exposición interactiva que trata sobre a reprodución sexual dos seres vivos que viven na auga, se ben o gabinete do capitán Nemo na Sala Nautilus segue sendo a máis espectacular.

Outros actos

Xunto a gratuidade dos museos, a programación da Semana Científica complétase con varios actos. O sábado 20 de novembro, o salón de plenos do Concello da Coruña será o escenario da Entrega dos XXXIV Prismas Casa das Ciencias á Divulgación Científica. Así mesmo, a Domus acollerá a HispaCón, a convención anual organizada pola Asociación Española de Fantasía, Ciencia Ficción e Terror. No marco deste evento terán lugar as charlas «Conversación con Conchi Regueiro», autora de galega de ciencia ficción, ás 16.00 horas, e «Crónicas (científicas) marcianas», cos divulgadores Borja Tosar, Uxía Vales e Estíbaliz Espinosa, ás 17.00. Para poder asistir a ambas, o reparto de invitacións até completar o aforo comezará unha media hora antes. Finalmente, o Aquarium Finisterrae e a contorna da Casa das Ciencias son os lugares escollidos para o Festival Cecía Fest, que contará con danzas e actuacións de numerosos coros.

Acceso libre

Desde o 29 de outubro, o acceso á Casa das Ciencias, Domus ou Aquarium Finisterrae, que recuperaron o aforamento do 100%, pode facerse directamente, abonando a entrada correspondente e sempre que o museo non estea completo. Con todo, a reserva previa de entradas mantense, permitindo a quen desexe asegurar o seu acceso.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O planetario da Casa das Ciencias estrea unha proxección para público infantil

Un filme con dous esquíos como protagonistas ensinaralle os nenos de 4 a 7 anos as condicións de vida doutros planetas do sistema solar

A Asociación de Amigos da Casa das Ciencias festexa 30 anos de coñecemento compartido

O seu presidente, Julio Casal, reivindica o compromiso coa divulgación científica para achegar información de calidade á sociedade

Os Museos Científicos Coruñeses programan do 11 ao 19 de novembro a Semana da Ciencia

Co obxectivo de atender a elevada demanda de visitas, este ano prolónganse durante dúas fins de semana as celebracións da Semana da Ciencia

A Asociación de Amigos da Casa das Ciencias celebra o seu 30 aniversario

A entidade, que colabora cos Museos Científicos Coruñeses e o Muncyt, tamén organiza dúas conferencias sobre a relación entre música e ciencia