Venres 29 Marzo 2024

A que cheiran os bosques? Obradoiro infantil no Museo de Historia Natural de Santiago

A actividade, dirixida a nenas e nenos de 6 a 12 anos, dá a coñecer aos asistentes as diversas especies aromáticas presentes nos bosques galegos

O Museo de Historia Natural de Santiago de Compostela celebrará este sábado 29 de xuño o obradoiro “O cheiro dos nosos bosques: plantas aromáticas” dirixido a rapazas e rapaces de 6 a 12 anos. Celebrarase de 11.00 a 13.00 horas e estará impartido pola titulada en Bioloxía Silvia Romero Río.

A través dunha metodoloxía de descubrimento mediante actividades e xogos, o obradoiro axudará a coñecer características e curiosidades de diferentes especies aromáticas dos bosques e dos campos ligados á cultura popular galega, ademais de axudar a entender as interaccións entre diferentes compoñentes dos ecosistemas, tanto animais como vexetais.

Publicidade

A iniciativa axudará a que os máis pequenos valoren os beneficios que as plantas achegan aos seres humanos e como diferenciar entre especies autóctonas, exóticas e invasoras, así como sensibilizar sobre a importancia da conservación das especies.

O obradoiro está contemplado para un mínimo de 20 persoas e un máximo 30. É necesario facer reserva previa, alomenos con dous días de antelación á data do obradoiro. O prezo é de 4 euros por persoa, e os grupos pecharanse cando se teñan feitas reservas de 30 persoas. Segundo subliñan desde o Museo, ter feita a reserva non implica ter praza ata non recibir o mail de confirmación.

A inscrición pode realizarse a través da web do Museo de Historia Natural, nesta ligazón.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

PÓDCAST | A intelixencia artificial, o gran desafío do eido educativo

O investigador da UDC Francisco Bellas analiza no sexto episodio de O Descodificador o impacto do cambio tecnolóxico na educación

Exposicións, obradoiros, rutas e premios: as outras actividades divulgativas de Gciencia

O portal da ciencia galega emprendeu ao largo da súa traxectoria numerosas actividades para sacar a divulgación á rúa

O proxecto MEDRA fomenta a investigación en física de partículas entre o alumnado de bacharelato

O IGFAE acolleu a presentación dos traballos realizados por decenas de estudantes na súa primeira experiencia investigadora

A divulgación científica espállase polos campus da UVigo con máis de 15 actividades

O programa 'Ciencia de ida e volta', de carácter eminentemente experiencial, inclúe concursos, obradoiros e unha feira científica