Martes 19 Marzo 2024

Fito cósmico: a NASA confirma máis de 5.000 exoplanetas

Os últimos 65 mundos engadidos elevan a cifra, que se espera que aumente cos telescopios James Webb ou Nancy Grace na busca de condicións habitábeis

Era o xaneiro de 1992 cando, por vez primeira, había unha evidencia clara da existencia de exoplanetas; máis concretamente, dous planetas fóra do sistema solar que xiraban arredor dunha estrela a 2.300 anos luz de distancia. Agora, pouco máis de trinta anos despois, o arquivo da NASA vén de marcar un fito con 5.005 exoplanetas documentados, cada un con características únicas.

Exoplanetas confirmados pola NASA a 22 de marzo de 2022.

Esta cifra récord foi acadada este 21 de marzo, engadindo ao arquivo unha tanda de 65 exoplanetas. Este arquivo rexistra os descubrimentos que aparecen en artigos científicos revisados por pares e que foron confirmados utilizando varios métodos de detección ou con técnicas analíticas.

Publicidade

Estes máis de 5.000 planetas rexistrados ata o de agora inclúen mundos pequenos e rochosos como a Terra, xigantes gasosos moito máis grandes que Xúpiter e outros en órbitas moi achegadas ás súas estrellas aumentando con creces as temperaturas. Existen tamén ‘súper planetas Terra’, mundos rochosos máis grandes que este, e ‘mini planetas Neptuno’, versións máis pequenas. Nesta mestura hai inclusive algúns planetas que orbitan arredor de dúas estrelas á vez e outros que xiran arredor de restos de estrelas mortas.

Novos descubrimentos

O Satélite de Sondeo de Exoplanetas en Tránsito (TESS) foi lanzado no ano 2018 e continúa facendo novos descubrimentos. Aínda así, os investigadores apuntan que en pouco tempo os poderosos telescopios de nova xeración e os seus instrumentos altamente sensibles capturarán a luz da atmosfera destes corpos, lendo que gases están presentes para identificar potencialmente os sinais indicadores de condicións habitábeis.

Un exemplo disto é o telescopio espacial James Webb, recentemente lanzado, ou o Nancy Grace, cuxo lanzamento está programado para o 2027, pero todo comezou co Kepler no 2009.

 O primeiro planeta detectado arredor dunha estrela similar ao Sol, en 1995, resultou ser unha versión de Xúpiter, pero cunha órbita máis achegada á súa estrela. Unha vez que os astrónomos aprenderon a recoñecer este tiplo de corpos nos datos dos telescopios terrestres, os descubrimentos comezaron a multiplicarse.

Aínda así, nada parecía habitable, polo que, para atopar mundos máis parecidos á Terra, había que dar un salto tecnolóxico. William Borucki foi o investigador principal da misión Kepler, baseada na idea de conectar detectores de luz extremadamente sensibles a un telescopio e logo lanzalo ao espazo, unha idea que abriu unha nova xanela ao universo e que permitiu a detección de máis de 3.000 exoplanetas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O James Webb detecta a galaxia ‘morta’ máis antiga coñecida

Un equipo internacional de astrónomos, con participación española, observou que a formación estelar non formaba novas estrelas 700 millóns de anos despois do Big Bang

Seis imaxes que cambiaron a historia da ciencia

https://theconversation.com/javascripts/lib/content_tracker_hook.js *Un artigo de O ser humano empregou primeiro o debuxo e...

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Envía o teu nome a Xúpiter nunha misión espacial da NASA

Dende a axencia lanzarán unha botella que leva tamén un poema da escritora estadounidense Ada Limón