Venres 29 Marzo 2024

O mosquito tigre obriga a cambiar as pautas nos cemiterios no Día de Todos os Santos

Recoméndase que os recipientes para flores ou obxectos ornamentais non permitan a acumulación de auga porque poderían albergar larvas

Este mércores 1 de novembro celébrase o Día de Todos os Santos. Co gallo desta celebración, a Xunta acaba de publicar unhas pautas a seguir nos cemiterios para controlar o mosquito tigre (Aedes albopictus) e reducir as súas posibilidades de reprodución. Así, recoméndase que os recipientes para flores ou obxectos ornamentais non permitan a acumulación de auga porque poderían albergar larvas do mosquito. Como solución máis eficaz, proponse facer buratos nos recipientes para facilitar a súa drenaxe. De non ser posible, pódese manter a humidade usando esponxas ou fibras absorbentes e enchendo os recipientes de area.

Segundo o Programa de xestión integrada do mosquito tigre elaborado pola Dirección Xeral de Saúde Pública, a Consellería de Sanidade lembra que os cemiterios son espazos sinalados como lugares a vixiar polos concellos nos que o mosquito tigre estea instalado, é dicir, as localidades de Cangas, Moaña, Vilaboa, Redondela, e Vigo. En todo caso, a baixada de temperaturas previsible nas próximas semanas agárdase que faga desaparecer o mosquito tigre durante o inverno aínda que se baralla a opción de que volva aparece durante a primavera.

Publicidade

Desde a Consellería de Sanidade agradécese a participación veciñal seguindo as recomendacións para evitar a proliferación deste vector e, sobre todo, a través da aplicación Mosquito Alert para permitir o control desta especie. A coordinación entre Mosquito Alert, a Xunta e a Rede galega de vixilancia de vectores (ReGaViVEC) permitiu confirmar a presenza do mosquito tigre sobre o terreo en menos de 24 horas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O catedrático da UDC García Mira leva os seus estudos en psicoloxía ambiental ata Filipinas

A Universidade de Santo Tomás organizou unha conferencia sobre o papel da ciencia psicolóxica para abordar o impacto do cambio climático

A Serra da Capelada foi un glaciar da última Idade do Xeo: “É un caso singular en toda a península”

O traballo do catedrático e investigador da USC Augusto Pérez-Alberti analiza a súa configuración xeomorfolóxica e a paisaxe

As plantas non nativas aceleran a desaparición dos ameneiros galegos

As árbores centroeuropeas que se importan para restaurar as plantacións afectadas por unha doenza fúnxica producen uniformidade xenética

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150