Xoves 28 Marzo 2024

Descobren unha molécula que regula os niveis de glicosa en sangue

A hormona FGF1 podería servir para deseñar novas terapias contra a diabetes, incluso para aquelas persoas con resistencia á insulina

Hai 100 anos, un achado revolucionario conseguiu salvar a vida de millóns de persoas. O descubrimento da insulina marcou o camiño da esperanza para os doentes de diabetes. Dende ese momento, a insulina é considerada o medio principal para tratar aquelas doenzas caracterizadas por altos niveis de azucre en sangue. Máis dun século despois parece que se abren novas vías. Científicos estadounidenses acaban de descubrir unha segunda molécula, producida no tecido graxo, que tamén regula de forma rápida e potente os niveis de glicosa. Isto podería servir para desenvolver novas terapias para tratar a diabetes, evitando a resistencia á insulina.

Máis polo miúdo, os investigadores do Instituto Salk, en California, descubriron que a hormona FGF1 regula a glicosa no sangue cando inhibe a degradación de graxas. Tanto a insulina como FGF1 controlan os niveis de glicosa, pero fano de maneiras diferentes. Por iso se abre unha vía esperanzadora para aqueles doentes que mostran resistencia á insulina. “Identificamos un novo xogador na regulación da lipólise de graxas que nos axudará a comprender como se xestionan as reservas de enerxía no corpo”, indica un dos investigadores principais, Ronald Evans.

Publicidade

A resistencia á insulina

Nas persoas con resistencia á insulina, a glicosa non se elimina de maneira eficiente do sangue. Increméntanse, aínda máis, os seus niveis, algo característico das persoas con diabetes e obsesidade. Científicos do Instituto Salk xa conseguiran demostrar que unha inxección de FGF1 reducía de maneira drástica os niveis de glicosa en ratos e que un tratamento con esta hormona aliviaba a resistencia á insulina. No estudo actual, publicado en Cell Metabolism, o equipo demostrou que FGF1 suprime a lipólise e regula a produción de glucosa no fígado, de igual modo que o fai a insulina. Porén, non empregan as mesmas vías de regulación.

O achado desta vía abre novas oportunidades para o descubrimento de fármacos. “A capacidade única de FGF1 para inducir unha diminución sostida de glicosa en ratos diabéticos resistentes á insulina é unha ruta terapéutica prometedora para os pacientes diabéticos. Esperamos que a comprensión desta vía conduza a mellores tratamentos para os pacientes con esta doenza”, di un dos investigadores principais, Michael Downes.


Referencia: FGF1 and insulin control lipolysis by convergent pathways. (Publicado en Cell Metabolism)

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Sanidade ordena a retirada dun coñecido fármaco para a diabetes

A AEMPS comunicou que os motivos se relacionan por un defecto de calidade que “non supón un risco vital para o paciente"

África González: "Estamos moi cerca da cura de doenzas autoinmunes"

Os científicos ven posibles as terapias que restauren a tolerancia inmune en enfermidades como diabetes ou lupus

É o alzhéimer un novo tipo de diabetes?

Trátase dunha hipótese aínda non confirmada, pero algúns sinais suxiren que podería existir un vínculo entre estas dúas enfermidades

O risco de cegueira en persoas diabéticas é 25 veces maior que no resto da poboación

A perda de visión severa é evitable en máis do 90 % dos casos se se aplica un diagnóstico e tratamento precoz