Explicación: mirando desde as sombras, o hemisferio de Mimas orientado a Saturno atópase case na escuridade agás un espectacular crecente alumeado polo sol. O mosaico foi captado preto do achegamento último da nave espacial Cassini do 30 de xaneiro de 2017. A cámara da Cassini foi apuntada case na dirección do sol a só 45.000 quilómetros de Mimas. O resultado é unha das imaxes de máis alta resolución da lúa de 400 quilómetros de diámetro, xeada e marcada de cráteres. Unha versión salientada desvela mellor o hemisferio que mira a Saturno da lúa en rotación síncrona, alumeada pola luz solar reflectida polo propio Saturno. Para vela, segue esta ligazón. Outras imaxes de Mimas pola Cassini inclúen ao grande e ominoso cráter Herschel.
Rematamos a xira galega das charlas do APOD do último ano en Pontevedra (Casa da Luz, venres 17 marzo ás 20:00) e Santiago de Compostela (CSC Fontiñas, sábado 25 de marzo, ás 18:00).