Venres 29 Marzo 2024

Medicamentos contra o cancro baseados en moléculas de orixe mariña

“PharmaMar é unha compañía biofarmacéutica con sede en Madrid, líder mundial no descubrimento, desenvolvemento e comercialización de novos antitumorais de orixe mariña. PharmaMar ten unha importante carteira preclínica de compostos e un potente programa de I+D. A compañía desenvolve e comercializa YONDELIS® en Europa e dispón doutros tres compostos en desenvolvemento clínico para tumores sólidos e hematológicos: plitidepsina, PM1183 e PM184.”

“Recentemente a compañía anunciou que recibiu a conformidade por parte do Comité Independente de Monitoraxe de Datos (IDMC polas súas siglas en inglés) de continuar o estudo pivotal CORAIL de PM1183 (lurbinectedina) en pacientes con cancro de ovario platino resistente ata recrutar o total de 420 pacientes previstos no protocolo. Esta decisión baséase na análise de futilidade realizado cos primeiros 210 pacientes (o 50% do total) no que se avaliaron a seguridade e eficacia de PM1183 nesta indicación. O CORAIL é un ensaio clínico de Fase III pivotal e aleatorizado que avalía en 420 pacientes a eficacia de PM1183 en comparación con topotecan ou doxorrubicina liposomal pexilada, tratamento estándar para esta patoloxía. O obxectivo primario do estudo é a avaliación da supervivencia libre de progresión e, como variables secundarias, analízase a supervivencia global, a taxa de respostas obxectivas e parámetros de calidade de vida das pacientes.”

Publicidade

“Ademais,  iniciou o estudo de rexistro de Fase III ATLANTIS que compara a actividade e seguridade da combinación do antitumoral de orixe mariña PM1183 (lurbinectedina, composto estruturalmente relacionado coa trabectedina) con doxorrubicina fronte a topotecán ou a combinación CAV (ciclofosfamida + adriamicina (doxorrubicina) + vincristina) para o tratamento de pacientes con cancro de pulmón microcítico que recaeron tras un primeiro tratamento con platino. Topotecán é o único medicamento aprobado en Estados Unidos e Europa para esta indicación. ATLANTIS é un estudo multicéntrico, aberto, aleatorizado e controlado de Fase III que incluirá a 600 pacientes. O obxectivo principal do ensaio clínico é mellorar a supervivencia libre de progresión destes pacientes avaliada por un comité independente seguindo os Criterios de Avaliación de Resposta en Tumores Sólidos (RECIST 1.1). Como obxectivos secundarios analizaranse parámetros como a supervivencia global, a duración de resposta, indicadores de calidade de vida, a taxa de respostas segundo os criterios RECIST 1.1, e a correlación entre farmacocinética e farmacodinámica, entre outros.”

“A trabectedina, tamén coñecida como ecteinascidina 743 e ET-743, é un composto químico empregado como sustancia farmacolóxica e principio activo en tratamentos de quimioterapia  indicados contra estadios avanzados do sarcoma de tecidos brandos (STT) e contra o cancro de ovario. A trabectedina é un axente antitumoral de orixe mariña illada de Ecteinascidia turbinata, un tunicado colonial.”

Queda moito mar por explorar.

Fontes

PharmaMar comunica a resposta do IDMC sobre o ensaio CORAIL con PM1183

PharmaMar inicia o estudo de rexistro ATLANTIS con PM1183 en combinación con doxorrubicina para o cancro de pulmón microcítico

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

“Con suficiente investigación, a maioría dos cancros poderanse tratar na década de 2040”

Jesús Sánchez, responsable de proxectos na Fundación CRIS, asegura que as terapias CAR-T foron unha revolución no tratamento dos tumores do sangue

O disruptores endócrinos poden aumentar o risco de cancro de endometrio

Observada unha asociación entre as mesturas de contaminantes ambientais e a maior probabilidade de desenvolver este tumor

Crean en Vigo un mapa de biodiversidade costeira a partir de 11.000 chíos

A análise da información recompilada na rede X permite, cun baixo custo, complementar os programas existentes de vixilancia

Galicia rexistra 16.000 novos casos de cancro e 8.000 mortes cada ano

A Fundación CRIS reúnese con Sanidade para solicitar unha maior cobertura aos pacientes oncolóxicos que requiren de medicamentos CAR-T