Venres 29 Marzo 2024

Jéssica Rodríguez, do CiQUS de Santiago, premio á mellor tese en Bioquímica do 2016

Apenas uns meses despois da súa defensa na Facultade de Química da Universidade de Santiago, a tesis da doutora egresada do CiQUS Jéssica Rodríguez Villar volve ser premiada por segunda vez: logo de ser recoñecida o pasado mes de decembro cunha Mención Honorífica nos Premios Ernesto Viéitez da Real Academia Galega de Ciencias, a investigadora recibe agora o Premio á Mellor Tese de Doutoramento en Química Biolóxica en 2016, concedido polo Grupo Especializado de Química Biolóxica (GEQB) da Real Sociedade Española de Química (RSEQ).

A decisión do xurado –que só tivo en conta aquelas candidaturas acreditadas coa máxima valoración académica nas súas universidades de orixe–, sorprendeu á científica en Francia, onde na actualidade realiza unha estancia posdoutoral na Université Paul Sabatier – Toulouse III. Ademais da dotación económica, o premio outorga á beneficiaria a posibilidade de presentar o traballo mediante unha comunicación oral ao longo da IV Bienal do GEQB, que terá lugar en Barcelona o vindeiro mes de febreiro de 2018.

Publicidade

A tese premiada forxouse no grupo do CiQUS MetBioCat, baixo a dirección dos profesores José Luis Mascareñas e Eugenio Vázquez. O traballo, titulado ‘Derivados peptídicos sintéticos para a unión selectiva de ADN’, foi avaliado polo tribunal coa máxima cualificación académica (Sobresaliente Cum Laude) e conta tamén con Mención de Doutoramento Europeo.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un equipo galego sinala os lípidos en sangue como biomarcadores de covid persistente

Investigadores do CiQUS ofrece unha nova perspectiva sobre a natureza desta enfermidade e abre a porta a diagnósticos e tratamentos máis específicos

Un equipo con participación galega desenvolve un novo tipo de axente contra o cancro

O composto actúa de maneira potente e selectiva sobre a respiración mitocondrial das células nai do tumor, diminuíndo o seu potencial canceríxeno

A USC desenvolve un novo método para a entrega directa de fármacos no interior celular

O novo nanotransportador é capaz de fusionarse coa membrana plasmática e liberar moléculas bioactivas no citosol

A USC busca mellorar a eficacia dos tratamentos con células CAR-T en tumores sólidos

Marisa Juanes e Alberto Fuertes encargaranse de desenvolver o sistema de transporte que permita introducir ácidos nucleicos en linfocitos T