Xoves 28 Marzo 2024

Premian ao Incipit de Santiago por un traballo sobre unha montaña sagrada de Mongolia

A investigadora Cecilia Dal Zovo, do Instituto de Ciencias do Patrimonio de Santiago de Compostela (Incipit), adscrito ao CSIC, acaba de ser recoñecida co premio ICAS 2017, que outorga o Instituto Internacional de Estudos Asiáticos, na categoría de Humanidades, polo seu traballo sobre a montaña sagrada de Ikh Bogd Uul, en Mongolia.

A tese, defendida na USC en 2016 coa calificación de sobresaliente cum laude, indaga desde un punto de vista multidisciplinar nos túmulos desta montaña mongola e a súa relación coas comunidades nómades do seu entorno. Por primeira vez ofrece unha catalogación completa destes monumentos, con datos e datas sobre a súa construcción, as modificacións que sufriron e como influíron nos ritos realizados na zona.

Publicidade

Cecilia Dal Zovo é licenciada en Arqueoloxía Prehistórica pola Universidade de Padova (2007). Desde 2008 traballa no Incipit, onde se doutorou o ano pasado. Realizou estancias na National University of Mongolia, en Cambridge e no Consello Nacional de Investigación de Italia.

Os premios ICAS, impulsados polo Instituto de Estudos Asiáticos de Leiden (Países Baixos), celébranse desde 2004, e teñen por obxectivo distinguir os mellores traballos académicos de Ciencias Humanas e Sociais sobre Asia. Nesta edición, optaron aos galardóns arredor de 330 libros e 125 teses de doutoramento.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un equipo do CSIC logra controlar unha doenza causante da extinción dos anfibios

Os investigadores aplicaron un funxicida agrario sen observar trazas do produto nin efectos significativos na química e bioloxía da auga

Zendal lanza a primeira vacina de tecnoloxía ADN contra a leishmaniose canina

‘Neoleish’ reduce a presenza do parasito en máis dun 90% e mellora os signos clínicos da doenza

Un composto natural reduce o impacto da seca e mellora a produtividade do tomate

Un equipo do CSIC e da UPV descobre como actúa o butanoato de hexenilo, un aroma que emiten estas plantas para resistir ás bacterias

Como usar datos históricos para a conservación de especies: así é a nova metoloxía con pegada galega

A UVigo e o CSIC proban un método en escaravellos coprófagos ibéricos que permite comprender a súa resposta a cambios ambientais