Venres 29 Marzo 2024

Científicos galegos atopan un medicamento que reduce o dano da hemorraxia cerebral

As hemorraxias cerebrais, tamén coñecidos como ictus hemorráxicos, supoñen só entre un 15 e un 20% de todos os ictus – o resto adoitan ser obstrutivos -, pero de cada 10 persoas que as sofren, entre tres e catro falecen. Ademais, este accidente cerebrovascular é unha das principais causas de incapacidade grave nos adultos. Cómpre, por tanto, buscar camiños que reduzan os danos causados por esta doenza. Varios científicos do IDIS de Santiago (José Castillo, Tomás Sobrino, Esteban López, Alba Vieites e Francisco Campos) xunto a investigadores do Centro de Investigación Médica Aplicada (CIMA) da Universidade de Navarra, demostraron a eficacia dun novo composto, chamado CM352, para o tratamento da hemorraxia intracerebral.

Os resultados, xa confirmados en animais, acaban de ser publicados no último número da revista Journal of the American Heart Association. Os investigadores explican que a molécula atopada reduce o dano neurolóxico e mellora a recuperación funcional tras a hemorraxia. “CM352 é un potente axente antihemorráxico cun mecanismo de acción seguro e efica. O traballo de investigación conxunto demostrou que detén o sangrado intracerebral e reduce a inflamación, o que conduce a unhas lesións cerebrais máis pequenas e a unha mellora da recuperación funcional”, explican os doutores Josune Orbe, investigadora do CIMA, e Tomás Sobrino.

Publicidade

Este achado pode supoñer un importante avance no tratamento da hemorraxia cerebral, xa que a pesar do seu impacto social e económico, non ten actualmente ningún tratamento eficaz e específico e o prognóstico destes pacientes non conseguiu mellorar significativamente nas últimas décadas. Así, o CM352 pode constituír unha nova estratexia contra o ictus hemorráxico. “A partir de agora, a investigación vai centrarse en analizar os factores que regulan a eficacia desta molécula en mostras de pacientes con hemorraxia intracerebral co fin de deseñar os futuros ensaios clínicos. O obxectivo final é a integración dos estudos preclínicos e clínicos que permita desenvolver un novo tratamento antihemorráxico nesta patoloxía”, conclúen os investigadores.

1 comentario

  1. Enhorabuena me alegro muchísimo de que se haya avanzado en está terrible enfermedad tan dañina gracias a los equipos de investigación hacen falta más y mejores aquí en España los tenemos maravillosos pero tienen que dejarlos y financiarlos y no que se nos marchen de España tenemos muchas más enfermedades que investigar en su trayectoria. Una vez más muchas gracias

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un parasito infecta o 30 % dos berberechos do pulmón marisqueiro da Ría de Arousa

O CIMA recomenda pechar Os Lombos de Ulla para recuperar a produción e protexer as especies que non medraron

O IDIS coordina un estudo para entender as lesións cerebrais logo dun traumatismo

O doutor Francisco Campos do grupo de Ictus Traslacional lidera este estudo que manexa técnicas de imaxe de vangarda e alta precisión

Mesa redonda: Fuga de talentos e conciliación

Investigadoras que desenvolven a súa carreira no extranxeiro falan da precariedade da investigación no noso país e o nesgo de xénero no mundo científico

Científicos de Santiago buscan a fenda que permita frear o ictus

O investigador do IDIS Francisco Campos lidera un proxecto europeo que usará nanomedicinas intelixentes para abordar a "estreita" xanela terapéutica