Xoves 28 Marzo 2024

Crean a cátedra Handytronic na Facultade de Informática da UDC

O reitor da UDC, Julio Abalde, e o director xeral do Grupo Telecon, Jacobo Penide, asinaron este mércores no reitorado da universidade coruñesa o convenio de creación da cátedra Handytronic. O proxecto, adscrito á facultade de Informática, desenvolverá iniciativas no eido da bioinformática para as Ciencias da Saúde.

A cátedra estará dirixida por Javier Pereira, e ten por obxectivo a colaboración na docencia na Facultade de Informática da UDC e, de xeito especial, no Mestrado de Bioinformática para Ciencias da Saúde; o desenvolvemento de actividades que permitan crear espazos de debate e difusión da actividade docente e investigadora, e a promoción de actuacións que estimulen o talento dos estudantes e faciliten a súa incorporación ao mundo laboral.

Publicidade

A través de este proxecto a universidade e o Grupo Telecon, que achegará a dotación económica necesaria para o funcionamento da cátedra, realizarán actividades e proxectos conxuntos e cooperarán para ter acceso a iniciativas de investigación no ámbito galego, español e europeo. Promoverase tamén a creación de encontros e redes nacionais e internacionais de expertos, en colaboración con outros mestrados e estudos de posgrao.

Do mesmo xeito, deseñaranse novos programas de formación permanente para estudantes, poñendo énfase na creación de empresas de base tecnolóxica, patrocinaranse bolsas predoutorais e posdoutorais e tamén se impulsará a explotación de resultados de investigación, entre outras iniciativas.

Diversidade funcional

O reitor Julio Abalde destacou a especialización e aposta da Universidade da Coruña polo sector dixital, sobre todo no eido das Ciencias da Saúde, “que terá un amplo desenvolvemento no futuro“, declarou. Jacobo Penide, pola súa parte, remarcou o paso que supón esta cátedra de cara aos traballos no ámbito da Intelixencia Artificial e a Neurociencia, en concreto, na mellora da calidade de vida das persoas con diversidade funcional ou deterioro cognitivo.

Neste senso, a marca Handytronic, creada polo Grupo Telecon en 2015, comercializa xa un amplo catálogo de solucións de mobilidade para estas persoas e impulsa proxectos de investigación que xa contan coa participación da UDC.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O programa Talentos Inclusivos incrementa nun 50% os centros participantes

A iniciativa, que busca a inclusión das persoas con diversidade funcional, contará con 15 institutos de toda Galicia na súa cuarta edición

Cando a música e a informática se alían: “Un músico poderá atopar partituras cantaruxando”

A investigadora da UDC Hilda Romero Velo crea unha aplicación web e móbil para solucionar algúns dos problemas aos que se enfrontan os músicos no día a día

Unha galega estuda o uso da realidade virtual no día a día das persoas con discapacidade

Un sistema óptico rastrexa o movemento das mans e dedos para mellorar a inmersión dos participantes nos diferentes escenarios

PODCAST | A informática ao servizo da saúde cardiovascular. Con Víctor Mondelo

Charla co investigador do Laboratorio de Informática Aplicada, creador dun sistema informático de apoio á diagnose de electrocardiogramas que facilita o traballo do persoal sanitario na toma de decisións