Venres 29 Marzo 2024

As embarazadas transfiren anticorpos que protexen durante uns meses ao bebé de covid-19

Investigadores españois demostran que a protección diminúe de forma progresiva nos primeiros seis meses de vida

Un estudo realizado pola Universidade Complutense de Madrid (UCM) que forma parte do proxecto multiinstitucional GESNO-COVID –liderado polo Hospital Xeral Universitario Gregorio Marañón– demostrou a transferencia transplacentaria de anticorpos no 86,3% de bebés de nais que pasaran covid-19 durante o embarazo.

O estudo, publicado en BMC Pregnancy and Childbirth, realizouse con 51 parellas de nai-fillo, incluíndo os nacementos desde abril do 2020 ata marzo de 2021. Para ese entón ningunha nai fora vacinada contra o SARS-CoV-2, de modo que os anticorpos eran produto de contraer a enfermidade durante o embarazo. Á súa vez, ningún neno foi diagnosticado de covid durante o transcurso do estudo, asegurando que os anticorpos proviñan da placenta materna.

Publicidade

O estudo demostra o impacto que a produción materna de anticorpos fronte a covid ten para protexer o bebé mediante o paso destes. “Se a muller ten anticorpos, estes serán transferidos ao fillo e estará por tanto protexido fronte á infección”, destaca María Luisa Navarro, investigadora do departamento de Saúde Pública e Materno-Infantil da UCM.

Traballos posteriores realizados sobre a protección do lactante vacinando de covid á embarazada e a seguridade desta estratexia, fixeron que hoxe en día se considere á xestante subsidiaria de recibir a vacina obtendo unha dobre protección, a súa e a do bebé.

Perda de anticorpos

No estudo, obsérvase que a cantidade de anticorpos que presentaban os bebés ao momento do parto estaba relacionada coa cantidade de anticorpos que presentaba a nai. Conforme pasa o tempo, estes diminúen, aos dous meses do parto o 66,7% dos lactantes contaba con seroloxía positiva, mentres que aos seis só o 13,7%.

Doutra banda, este efecto protector non se observou en bebés de nais con infección aguda no momento do parto. Estes nenos non presentaron anticorpos, xa que aínda non se desenvolveran nas súas nais.

“Dada a gravidade da covid na embarazada, é necesario que a muller xestante se vacine fronte a SARS-CoV-2, do mesmo xeito que se vacina doutras enfermidades como son a gripe ou a tos ferina”

MARIA LUISA NAVARRO, investigadora do departamento de Saúde Pública e Materno-Infantil da UCM

O proxecto GESNEO-COVID que contou coa axuda dos “Fondos covid” do Instituto de Saúde Carlos III, está liderado polo Hospital Gregorio Marañón e participaron centros con maternidades en todo o territorio nacional. Dito proxecto consistiu en avaliar o impacto que a infección polo virus SARS-CoV-2 tiña na embarazada e no bebé.

“Así se realizaron distintos estudos, onde se puido demostrar que as embarazadas son un grupo de poboación vulnerable para SARS-CoV-2 e que a transmisión perinatal deste virus ao bebé é excepcional. Dada a gravidade da covid na embarazada, é necesario que a muller xestante se vacine fronte a SARS-CoV-2, do mesmo xeito que se vacina doutras enfermidades como son a gripe e a tos ferina. No caso da infección por SARS-CoV-2, a inmunización materna protexerá á súa vez ao seu bebé durante os primeiros meses de vida”, conclúe Navarro, investigadora principal do proxecto.


Referencia: Serologic evolution and follow-up to IgG antibodies of infants born to mothers with gestational COVID (Publicado en BMC Pregnancy Childbirth)

1 comentario

  1. Saúdos,

    “Ciencia”?
    No es ciencia hacer un verdadero balance beneficio/riesgo, basado sobre todos los estudios, especialmente los que no son hechos por los industriales, en este caso Pfizer, Moderna and co?

    Pero… y qué decir cuando TODO esta en los datos TOTALMENTE PUBLICOS Y OFICIALES…!!
    Y incluso… en los PROPIOS ESTUDIOS de Pfizer-Moderna………

    Y “por supuesto”, tampoco conoceis entre otros a la ivermectina ? Y todo el escandalo de su interdiccion (como de todos los tratamientos anti-covid)?

    Ciencia, si. Y en este caso, tan simple y basica como 2+2=4. Aqui por ejemplo un resumen en ingles (y frances)… :

    “Like for almost all the other capitalist-imperialist crimes since decades (one of the most insane characteristic of this world…), ALL the figures, data, studies and elements are PUBLIC AND OFFICIAL, from: western governmental and institutional websites, western pharmacovigilance websites, western bourgeois media, Pfizer-Moderna documents, OurWorldInData, Johns Hopkins University, etc…

    The inconceivable figures of the deaths, let alone of the non lethal side effects, caused by the Pfizer-Moderna “anti-covid” “vaccines”…:
    https://www.covid-factuel.fr/2022/01/11/vaccins-covid-200-000-morts-vraie-ou-fausse-false-news/
    200 000 to 400 000 deaths across the globe… And these figures were a lower end, and were IN JANUARY 2022… Imagine now… And unfortunately yes we can, see below…
    And of course not to mention all the deaths caused by the ban of the anti-covid treatments… See below too…

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Interveñen con éxito un tumor nunha bebé que aínda estaba en período de xestación

Un equipo do Hospital La Fe de Valencia salva a vida da pequena, de 28 semanas, e da súa nai, nunha intervención pioneira en España

Desenvolto un anticorpo que bloquea todas as variantes de SARS-CoV-2 no laboratorio

O equipo realizou a investigación a partir de mostras de sangue dun paciente infectado durante a primeira onda da pandemia

Confirmado: a actividade física no embarazo beneficia a nai e o bebé

Investigadores españois probaron que o exercicio reduce nun 21% o risco de cesárea e ata un 20% o de incontinencia urinaria

Galicia notifica 10 mortes ao día por consumo de tabaco

A investigadora da USC Julia Rey Brandariz constata na súa tese que a comunidade galega é a duodécima que máis falecementos rexistra por esta substancia