Xoves 28 Marzo 2024

Divulgación a bordo do buque Intermares

Desde este luns 5 e ata o día 9, o peirao de Trasantlánticos do porto de Vigo acolle ao buque Intermares, no que se celebrarán xornadas de divulgación e mesas redondas acerca do sector marítimo e pesqueiro. Nas actividades, organizadas pola Secretaría Xeral de Pesca, colaboran a Autoridade Portuaria de Vigo, a Fundación MarinnLeg e o Instituto para o Crecemento Sostible da Empresa (ICSEM) e nelas participan expertos de diversos eidos.

Tras ser sometido a un fondo proceso de renovación, o Intermares volve á actividade como barco de formación e cooperación pesqueira.  Ao longo de toda a semana levaranse a cabo toda unha serie de obradoiros, conferencias, talleres… coa actividade pesqueira e a investigación mariña como temáticas centrais.

Publicidade

Despois das charlas divulgativas con expertos da UVigo cmo Mariano Lastra, Jesús Souza, Diego Salgueiro ou Estefanía Paredes, haberá tamén visitas estudantís, como a programada para o mércores 7 por parte de estudantes do Mestrado de Oceanografía.

Mesas redondas

Por outra banda, durante o mércores 7 celebraranse tamén dúas mesas redondas sobre o sector. A primeira delas, de 10 a 12 da mañá, abordará “A cooperación ao desenvolvemento e o sector pesqueiro: ferramentas e instrumentos”, na que tomarán parte representantes do ICSEM, a Secretaría de Pesca e Marinnleg. A continuación de 12 a 14 horas, falarase de “A Armada e o seu papel nas relacións internacionais para asegurar e promover a paz e a seguridade internacional no mar”. É posible inscribirse, de balde, nos enderezos carrerasazules@apvigo.es, bluegrowthvigo@apvigo.es ou no teléfono 986268000 Ext. 6116.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As plantas non nativas aceleran a desaparición dos ameneiros galegos

As árbores centroeuropeas que se importan para restaurar as plantacións afectadas por unha doenza fúnxica producen uniformidade xenética

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

Primeira imaxe en luz polarizada do burato negro da Vía Láctea

Grazas a esta nova vista de Saxitario A*, a rede global de radiotelescopios EHT revela a existencia de fortes campos magnéticos xirando arredor do seu borde

Un novo método da USC axudará a combater o furtivismo marisqueiro en Galicia

Tres investigadores estiman que entre 2012 e 2020 máis de 1.700 persoas extraeron de forma ilegal 660 toneladas de marisco