Martes 19 Marzo 2024

O Centro Oceanográfico de Vigo celebrou o acto oficial do seu centenario

O Centro Oceanográfico de Vigo celebrou onte de forma oficial o seu centenario. Foi nun acto que tivo lugar no auditorio da sede de Afundación. A celebración estivo conducida pola investigadora do centro Isabel García Alarcón, que deu a benvida ás autoridades e agradeceu o apoio institucional recibido ao longo de todo o ano. Entre outros recoñecementos, o centro recibiu neste 2017 a Medalla de Ouro da cidade de Vigo e a Medalla Castelao da Xunta de Galicia.

Autoridades asistentes á celebración do centenario. Foto: IEO.
Autoridades asistentes á celebración do centenario. Foto: IEO.

“Foi un ano moi intenso, de moito traballo, pero estamos a gozalo de verdade”, sinalou Isabel García, en referencia ás numerosas actividades de divulgación que realizou o organismo para achegar o seu traballo á sociedade viguesa e galega. A continuación presentouse o vídeo institucional do centro, por parte da directora, María Victoria Besada Montenegro. Besada declarou sentirse “moi orgullosa de representar a un centro que acumula 100 anos de traballo realizado por moitas xeracións de investigadores e técnicos de todas as disciplinas relacionadas co medio mariño”.

Publicidade

Sobre os galardóns recibidos este ano, Victoria Besada dixo que “provocaron unha enorme satisfacción a todo o persoal, e reflicten a posta en valor do servizo do Instituto Español de Oceanografía á sociedade”

Falou tamén o director do Instituto Español de Oceanografía, Eduardo Balguerías Guerra, que que destacou a gran importancia que tivo o Centro Oceanográfico para Vigo desde a súa inauguración o 2 de setembro de 1917. “Un exemplo de traballo vocacional e dunha gran constancia”.

Interviron tamén Carmela Silva, presidenta da Deputación de Pontevedra, a secretaria de Estado de I+D+i, Carmen Vela, o alcalde de Vigo, Abel Caballero, e o presidente da Xunta, Alberto Núñez Feijoo. O acto finalizou cunha actuación musical e un cóctel para todos os asistentes.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Crean en Vigo un mapa de biodiversidade costeira a partir de 11.000 chíos

A análise da información recompilada na rede X permite, cun baixo custo, complementar os programas existentes de vixilancia

h

Un equipo galego revisa a literatura científica sobre estes eventos dende comezos do século XX ata a data

Un equipo de Vigo estuda como mellorar a pesca de arrastre para protexer os cetáceos

O IEO está probando dispositivos para reducir os descartes e evitar a captura accidental de especies protexidas

A temperatura da ría de Vigo foi estable ata 2020: estamos ante un cambio brusco de ciclo?

Un equipo do IEO recoñece que está sendo un "verán atípico" e con valores moi altos nas Rías Baixas, pese á tendencia dos últimos 30 anos