Apollo 17: imaxe en estéreo desde a órbita lunar

Explicación: pega dos teus lentes vermello/azuis e comproba esta abraiante imaxe en estéreo doutro mundo. A escena foi rexistrada polo comandante da misión Apollo 17 Eugene Cernan o 11 de decembro de 1972, unha órbita antes de descender para aterrar na Lúa. O anáglifo en estéreo foi ensamblado a partires de dúas fotografías (AS17-147-22465, AS17-147-22466) captadas desde o seu punto privilexiado do Módulo Lunar mentres el e o Dr. Harrison Schmitt sobrevoaban o lugar de aterraxe da Apollo 17 no val Taurus-Littrow. Preto do centro da imaxe emerxe a ampla e alumeada faciana da montaña alcumada Massif Sur, sobre o solo escuro de Taurus-Littrow á súa esquerda. Máis alá das montañas, cara o limbo lunar, atópase o Mare Serenitatis da Lúa. O Módulo de Mando América, pilotado por Ron Evans, pode verse en órbita en primeiro plano contra o cumio de Massif Sur.