Amor e guerra no luar

Explicación: Venus, chamado pola deusa romana do amor, e Marte, o homónimo do deus da guerra, viñeron xuntos no luar desta encantadora vista do ceo, gravada o 20 de febreiro desde Charleston, Carolina do Sur (EUA), planeta Terra. Esta exposición de tres segundos de tempo, feita entre o lusco e fusco cunha cámara dixital, tamén capta o brillo da Terra alumeando a superficie, doutro xeito escura, da Lúa crecente nova. Claro está que a Lúa xa se moveu desde esta conxunción triple da que xa falaramos daquela. Venus aínda brilla no oeste coma a estrela verpertina, o terceiro obxecto máis brillante no ceo da Terra, tralo Sol maila propia Lúa. Un Marte moito máis feble, que se ve aquí case á distancia dunha Lúa de Venus, chegaba aínda máis preto no serán seguinte. Pero Marte xa se foi afastando paseniñamente do brillante Venus, aínda que tamén é visible aínda no crepúsculo occidental.