Xoves 28 Marzo 2024

Lanzan dende Alemaña a app de galego ‘O Ximnasio dos verbos’

Xa podemos adestrarnos para estar en forma coas conxugacións. Os verbos en galego non teñen segredos grazas á nova aplicación creada por dous profesores da Universidade de Heildelberg (Alemaña). Gabriel Pérez Durán e Óscar Rivas González desenvolveron ‘O Ximnasio dos Verbos’, que naceu como un proxecto docente dentro das aulas de lingua e cultura galegas no Romanisches Seminar da Universität Heidelberg.

Ao abeiro desta institución, o Galicien Zentrum (adscrito ao Iberoamerika-Zentrum) leva máis de 30 anos desenvolvendo as súas actividades sobre Estudos Galegos nas áreas de Filoloxía Románica e de Tradutoloxía.  E, froito das súas actividades, xurdiu esta app, que se presenta “para que adestres o presente con alternancia vocálica e os verbos irregulares en galego”.

Publicidade

Dispoñible para a súa descarga en Google Play, e adaptable aos dispositivos Android, O Ximnasio dos Verbos presenta as conxugacións con toque de humor: “Co noso plano de adestramento -afirman- poderás retrucar como un/ha regueifeira e axiña serás un/ha Jedi dos verbos. Despois, o único que che quedará será axudar a outras persoas para que consigan o teu dominio do galego”.

A aplicación funciona sen necesidade de estar conectados, agás as definicións dos verbos e certas ligazóns, que requiren ligar cunha rede wifi ou de datos celulares.

“É subes ou sobes? Non te preocupes! Consulta todos estes verbos revirados e escóitaos”, convidan dende O Ximnasio dos Verbos. “Como máis vale experiencia que ciencia, ofrecémosche exercicios para que adestres os teus abdominais verbais”, comentan na presentaciónda app os profesores galegos impulsores da iniciativa.

3 COMENTÁRIOS

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Xela, poeta nas aulas

A profesora da UVIgo Ana Iglesias fai un repaso pola traxectoria vital e profesional da escritora homenaxeada no Día das Letras Galegas

Unha tese atopa 40.000 termos para falar dos cabalos en galego

A investigación de Fernando Groba Bouza na UVigo recolle preto de 40.000 unidades denominativas sobre hipoloxía en galego

XeraWord: a nova ferramenta de xeración automática de galego e portugués

A iniciativa da USC e do Instituto da Lingua Galega baséase na tradución automática de léxico da base de datos do idioma inglés WordNet

“A computação reforça as teses de Carvalho Calero sobre o galego”

Unha investigación do informático Jose Ramom Pichel sobre a distancia entre linguas estuda a evolución do galego respecto ao portugués e o español