microMOOCSEM_1-1

Micromensaxes para explicar microbioloxía

A Universidade de Santiago participa no primeiro curso científico do mundo a través de Twitter

Membros do Grupo de Innovación Docente en Microbioloxía da USC (MIKROBIOS) coordinado polo profesor Jesús López Romalde participan xunto con outros 27 docentes e investigadores de 20 universidades e centros de investigación no primeiro curso mundial en liña gratuíto vía Twitter sobre microbioloxía. A iniciativa está coordinada e organizada polo grupo de Docencia e Difusión da Microbioloxía da Sociedade Española de Microbioloxía (SEM), sendo a primeira sociedade científica do mundo que organiza un curso a través desta rede social.

Cunha linguaxe sinxela, divulgativa e moi visual, o obxectivo é difundir conceptos e nocións básicas sobre microbioloxía a estudantes de bacharelato, profesores de secundaria, universitarios, profesionais das ciencias, xornalistas científicos e público en xeral. As “clases” compoñeranse de 30-40 tweets con contidos, webs, links, novas, imaxes ou vídeos sobre cuestións científicas relacionadas coa microbioloxía dunha duración de arredor de 30 minutos que se enviarán a unha hora e día da semana concretos. Cada día tratarase un tema distinto, desde qué é un virus ata a malaria ou a resistencia aos antibióticos.

En conxunto constitúe todo un curso en liña masivo gratuíto (MOOC) que poderá seguir calquera persoa a partir do 5 de abril (ata o 2 de xuño) con conta en Twitter coa etiqueta #microMOOCSEM. As “clases” enviaranse a través da conta de Twitter da SEM @SEMicrobiologia e quedarán logo recollidas na dirección de internet https://storify.com/microMOOCSEM.

Ademais da USC, participan nesta innovadora experiencia as universidades de Barcelona, Navarra, Alacante, Cantabria, Complutense de Madrid, Miguel Hernández, País Vasco, Granada, Málaga, León, Valencia, Sevilla, Zaragoza e Autónoma de Barcelona, e o Instituto Español de Oceanografía, o Centro Superior de Investigación en Saúde Pública-Fundación FISABIO, o Hospital Doce de Octubre-CNIO, o Centro Nacional de Microbioloxía e oMassachusetts General Hospital de Boston (EE.UU.).

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.