Venres 29 Marzo 2024

A Estación Espacial Internacional orbita sobre Galicia

Apareceu como unha estrela fugaz moi brillante no ceo nocturno de Galicia. Ás 18.37 horas deste mércores, a Estación Espacial Internacional pasou sobre a perpendicular de Santiago de Compostela, sendo visible dende toda Galicia. A ISS (polas súas siglas en inglés), dá 16 voltas á Terra cada vintecatro horas. Orbita a 27.750 quilómetros por hora, a unha altura de 360 quilómetros. Polo tanto, é visible dende Galicia en varias ocasións ao ano, aínda que desta volta as condicións meteorolóxicas eran moi favorables, con ceos despexados en boa parte do país.
estacion espacial
Dende que foi lanzado polos rusos en 1998 o primeiro módulo, chamado Zarya, a ISS ten realizado máis de 80.000 órbitas. Dende o ano 2000, está habitada de xeito permanente, polo que este ano cumpre o seu 15 aniversario. E, como as xornadas na estación espacial teñen tantos ‘días’, o tempo dá para moito. Malia facer importantes experimentos, os astronautas adoita fotografar o planeta Terra, sobre todo dende o módulo cúpula, construído como un miradoiro. Aquí podes ver varias das mellores fotos que teñen sacado de Galicia dende a Estación Espacial Internacional.
Ademais, a NASA ofrece un servizo gratuíto polo que envía un mail para avisar con horas de adianto cando a ISS vai pasar por unha zona completa do planeta e haberá boa visibilidade para seguila. Só envía alertas se coincide coa noite e está nun punto elevado sobre o horizonte. A estación espacial obsérvase como se fose un avión a moi alta velocidade, ou como unha estrela fugaz chamativa por ser moi brillante. Segundo as épocas, estas condicións acontecen en todo o planeta entre dúas veces por semana e unha vez cada dous meses.

Aquí podes seguir en directo o paso da Estación Espacial Internacional
Aquí tes a representación gráfica con mapas
E aquí o vídeo en directo desde a ISS:

Broadcast live streaming video on Ustream

1 comentario

  1. Espectacular.
    Gracias por la vuestro tiempo y el trabajo que desarrollais en beneficio de la humanidad. Muchos abrazos y feliz

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.