Ashley Bijster, directora de Imperial, e José Luis Leirós, cofundador de Apparcar.

Ashley Bijster, directora de Imperial, e José Luis Leirós, cofundador de Apparcar.

A aplicación galega Apparcar desembarca no Reino Unido

A ferramenta, que facilita a busca de estacionamento nas cidades, é adquirida pola inglesa Imperial

Apparcar é unha ferramenta tecnolóxica galega que axuda aos conductores a atopar unha praza de aparcamento nas cidades a través da colaboración con concellos e xestores de parkings. Acaba de dar o salto ao Reino Unido tras ser adqurida pola compañía Imperial Civil Enforcement Solutions (Imperial).

A aplicación galega xa ten realizado probas en cidades como Madrid, Santiago de Compostela e Northampton. A característica que fai única a Apparcar é que non utiliza sensores nin outro tipo de hardware para localizar as prazas baleiras. Obtén datos en tempo real a través das accións dos usuarios e dos sistemas GPS, que permiten seguir a evolución dos espazos de aparcamento e do comportamento dos condutores. A utilización deste tipo de tecnoloxías xera importantes beneficios nas cidades, xa que se estima que un 30 por cento do tráfico urbán débese á busca de aparcamento.

“Estamos encantados de unir forzas cunha compañía tan respectada”, sinala José Luis Leirós

O proxecto xurdiu a raíz do traballo dos seus fundadores, José Luis Leirós e Alexandre Freire, e recibiu importantes recoñecementos en mostras como o Smart City Expo World Congress de Barcelona ou Parkex 2016, celebrado en Reino Unido.  Sobre o acordo con Imperial, Leirós sinala que “estamos encantados de unir forzas cunha compañía tan respectada. As probas realizadas en España xeraron interese en moitos países e en especial no Reino Unido”. O fundador de Apparcar espera que, tralo acordo coa compañía británica, a aplicación chegue tamén a outros países.

Segundo comenta Ashley Bijster, directora xeral de Imperial ,“a compra realizouse porque Apparcar é unha solución moi sinxela e eficaz que proba que é posible ter o mellor dos dous mundos: por un lado, é un servizo fiable e cómodo para os condutores, e por outro, permite que os xestores teñan un mellor control do estacionamento”.

Pola súa parte, Andrés Saborido, de Telefónica Open Future España, tamén amosou a súa satisfacción pola operación. “A venta de Apparcar é un exemplo do que queremos conseguir con todas as startups que pasan polos nosos espazos”.

 

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.