Quen somos

GCiencia naceu en novembro de 2013 da man un equipo de profesionais da información co claro obxectivo de achegar a ciencia e a tecnoloxía ao conxunto da sociedade galega. Ao longo da súa traxectoria, gciencia.gal converteuse no nativo dixital máis lido de Galicia e o quinto de todos os medios galegos na Internet, ademáis do primeiro en galego. Conta cunha audiencia mensual superior aos dous millóns de visitas e aos 360.000 usuarios únicos (datos a novembro de 2017). Máis que un medio especializado, GCiencia é unha plataforma aberta a todo tipo de contidos de interese social que rivaliza na internet cos medios xeralistas tradicionais.

O portal da ciencia galega tamén é un fenómeno en redes sociais, cos seus 45.500 seguidores en Facebook que case duplican aos de calquera outro nativo dixital, e cun alcance medio de 2.700.000 persoas e 354.000 reaccións ao mes.

GCiencia, medio colaborador da Fundación Española para la Ciencia y la Tecnología (FECYT), do Ministerio de Economía, Industria y Competitividad, mereceu a beca Iprox do Colexio de Xornalistas de Galicia 2013, o Premio de Periodismo Dixital do Foro da Comunicación de Galicia 2015 e o Premio Galicia de Xornalismo Científico 2017, e foi finalista do Premio do Público da feria Culturgal. O portal da ciencia galega está codirixido po los xornalistas Eduardo Rolland e Pablo López.

Ciencia Galega Industrias Creativas, SL, empresa editora de GCiencia, é unha sociedade formada por profesionais da información que organiza o premio Contar a Ciencia de Comunicación Científica Universitaria e o Galicia Spin-off ás mellores iniciativas empresariais xurdidas das universidades galegas. Tamén edita o Anuario da Ciencia de  Galicia da Real Academia Galega de Ciencias.

 

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.