Únete á nosa canle de Whatsapp
Desde este luns, 3 de xullo, os centros de saúde e vacinación de Galicia xa administran a vacina antipneumocócica conxugada trecevalente, que prevén contra doenzas como a pneumonía ou a meninxite. Esta inmunización pasa a formar parte do novo calendario de vacinación para adultos que puxo en marcha a Consellería de Sanidade.
Deste xeito, recoméndase a toda a cidadanía galega nacida antes do 1 de xaneiro de 1952, é dicir, de 65 anos ou máis, que pida cita para recibir a dose. A cita pódese solicitar polos medios habituais nos centros de saúde.
O obxectivo da campaña, segundo explica o Sergas, é acadar unha cobertura do 60% nos maiores de 65 anos. Estímase que, grazas a esta medida, poderían rexistrarse ata 2.600 casos menos nun prazo de cinco anos e unha redución de 1.400 ingresos no mesmo período.
Galicia é a cuarta rexión do Estado en poñer en marcha a vacinación antipneumocócica conxugada trecevalente, despois de Madrid, Castela e León, A Rioxa, e a cidade autónoma de Melilla.
