O proxecto pretende desenvolver fármacos capaces de inhibir as plaquetas sanguíneas.

O proxecto pretende desenvolver fármacos capaces de inhibir as plaquetas sanguíneas.

Investigadores da USC, elixidos para un proxecto europeo de fármacos contra a trombose

A iniciativa conta cun financiamento de catro millóns de euros e nela tamén participarán experto de Reino Unido, Alemaña e Holanda

Investigadores dos grupos de Proteómica de Plaquetas e Biofarma do CiMUS da USC e do IDIS participarán nun proxecto europeo que acaba de ser concedido para desenvolver novos fármacos antitrombóticos capaces de inhibir as plaquetas sanguíneas.

No proxecto participarán tamén institucións e empresas do Reino Unido, Alemaña e Holanda, aglutinando aos investigadores máis relevantes no campo da investigación plaquetaria e que ten unha dotación de cerca de catro millóns de euros. O investigador principal da USC é o profesor Ángel García Alonso, que tamén é presidente da Sociedade Española de Proteómica e investigador do CiMUS e do IDIS.

Ángel García Alonso, profesor da USC e presidente da Sociedade Española de Proteómica Foto: USC

Ángel García Alonso, profesor da USC e presidente da Sociedade Española de Proteómica
Foto: USC.

As plaquetas son células sen núcleo que se activan no momento en que se produce unha ferida, contribuíndo a formación dun coágulo que evita a perda de sangue. Non obstante, en circunstancias patolóxicas as plaquetas pódense activar negativamente, dando lugar as tromboses, que poden conducir a un infarto agudo de miocardio no caso das arterias coronarias.

Os pacientes en risco de trombose son tratados con fármacos que inhiben as plaquetas, pero moitos seguen a sufrir episodios desa doenza, de aí a necesidade de descubrir novos fármacos máis eficaces e seguros. “É precisamente esa necesidade a que intenta abordar este proxecto”, sinala Ángel García.

O profesor explica que arredor do proxecto crearase un programa de doutoramento europeo “que implicará o outorgamento de títulos dobres entre as universidades participantes”. Desta maneira formaránse un total de 15 doutorados que serán contratados a cargo do proxecto e que recibirán formación punteira nun campo interdisciplinar no que adquirirán coñecementos e habilidades “que os situarán nunha posición inmellorable para incorporarse profesionalmente ao mundo da investigación biomédica, tanto no sector académico como en empresas”.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.