Venres 29 Marzo 2024

O proxecto da USC para a rexeneración medular recada 6.000 euros en dous meses

Hai dous meses, o grupo de Bioloxía Funcional da Universidade de Santiago de Compostela, dirixido por Antón Barreiro, lanzaba unha campaña para recadar fondos na súa investigación para a rexeneración axonal das lesións medulares. A través do portal Precipita, impulsado pola FECYT, pedían un mínimo de 2.000 euros e un máximo de 10.000 para continuar co seu traballo.

Agora, a falta dun mes para o remate do prazo, xa acadaron 6.000 euros, unha cifra satisfactoria, mais pretenden achegarse nos 30 días que quedan á cantidade óptima que lles permitiría obter unha libraría de 1.230 fármacos. Deste xeito, as posibilidades de éxito dos tratamentos.

Publicidade

Para a súa investigación, o grupo de Bioloxía Funcional, traballa con modelos de lesión medular en peixes, entre eles o cebra, do que se poden obter centos de larvas cada día no laboratorio, facilitando así a proba dunha gran cantidade de fármacos. Ao ser transparente, este peixe permite ver con maior facilidade se a neurona de estudo rexenerou ou non os seus axóns tras a lesión e despois do tratamento cun determinado fármaco.

Estudos realizados nos últimos anos demostraron que este peixe é capaz de recuperarse de forma espontánea tras una lesión medular completa de maneira que pode nadar tan só unhas semanas despois da lesión. Pero mesmo neste animal non todas as neuronas que contactan coa medula espinal en condicións normais son capaces de rexenerar o seu axón tras a lesión, “o que indica que existe algún factor intrínseco a determinadas neuronas que o impide”, matizan os investigadores.

Oncomet

Por outra banda, a campaña de financiamento para a investigación da biopsia líquida que leva a cabo o grupo Oncomet, dirixido por Rafael López, afronta os últimos dez días de prazo. Despois dunha intensa actividade divulgativa, con actos benéficos e charlas, a comezos desta semana acadaron 375.000 dos 500.000 euros de tope que solicitaban.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:05:02

Poñer a roupa ao clareo do Sol, funciona?

É unha técnica tradicional para branquear a roupa que seguimos empregando hoxe. A ciencia confirma a eficacia dos raios solares como o mellor desinfectante natural
00:04:28

Comer ovos dispara o noso colesterol?

Grazas aos avances científicos hoxe sabemos que esta relación non é máis que un mito. Iso si, outros factores como os hereditarios, poden forzarnos a reducir o consumo deste alimento
00:04:39

Pode caer un raio dúas veces no mesmo sitio?

Grazas aos pararraios a humanidade non teme hoxe as tormentas e o seu poder destrutivo, pero o lugar onde caen as descargas ten pouco de azar e moito de fondo científico

Estas son as mellores fotografías científicas de 2023

O corte transversal dunha casca de ovo, a simetría do brócoli e un nobelo de anisakis, entre as imaxes gañadores de FOTCIENCIA