Equipo do CHUS recoñecido nos premios Rovi.

Equipo do CHUS recoñecido nos premios Rovi.

Premio de innovación para equipos de farmacia hospitalaria de Santiago e Pontevedra

Os galardóns Rovi, avalados pola Sociedade Española de Farmacia Hospitalaria, recoñeceron unha aplicación informática do CHOP e un hidroxel do CHUS

Galicia acaparou os premios Rovi, organizados por esta firma farmacéutica e avalados pola Sociedade Española de Farmacia Hospitalaria. Dous equipos de hospitais de Santiago de Compostela e Pontevedra recibiron dos dous tres premios que se entregaron no certame. Cada un dos galardóns ten unha dotación económica de 5.000 euros.

Equipo de Pontevedra premiado.

Equipo de Pontevedra premiado.

No caso do CHUS da capital de Galicia, o xurado recoñeceu o desenvolvemento dun hidroxel de cisteamina para o tratamento da cistinose ocular, que permite a optimización terapéutica en pacientes sen tratamento dispoñible a nivel comercial. Este composto, en cuxo desenvolvemento participaron oftalmólogos, médicos e físicos do servizo de Medicina Nuclear do CHUS, permitirá “axudar a nenos con esta patoloxía, xa que con esta formulación mellorouse o tempo de permanencia ocular, a adherencia, a tolerabilidade e a seguridade”, segundo explica Anxo Fernández, farmacéutico do hospital santiagués.

Pola súa parte, o CHOP de Pontevedra foi premiado pola aplicación Pharmasuite, un sistema que permite xestionar a farmacotecnia e a elaboración de medicamentos para doentes con procesos agudos ou crónicos. Con esta aplicación “garántese a trazabilidade de todo o proceso de elaboración, desde o rexistro e validación da materia prima ata a validación e control de calidade do produto acabado”, explica Carlos Crespo, xefe do servizo de farmacia do hospital pontevedrés.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.